ايماقتار • 26 قاراشا، 2020

جاستارعا "ورلەۋ" سىيلىعى تابىستالدى

16 رەت كورسەتىلدى

سىرداريا اۋدانىنداعى ناعي ءىلياسوۆ اۋىلىندا ۆولونتەر جىلىن قورىتىندىلاۋعا ارنالعان فورۋم بولدى. اۋدان جاستارى كارانتين تالاپتارىنا سايكەس شاراعا ونلاين رەجيمدە قاتىستى، دەپ حابارلايدى Egemen.kz.

"مەملەكەت باسشىسى ءوز سوزىندە «قازاقتا اسار جاساپ، ءبىر-بىرىنە كومەكتەسىپ، قولداۋ كورسەتۋ ءداستۇرى بار. ونىڭ ۆولونتەرلىكپەن ۇندەسەتىنى ءسوزسىز. سوندىقتان بيىلعى جىلى سول ءداستۇردى زامانعا ساي قايتا جاڭعىرتۋىمىز قاجەت» دەپ اتاپ ءوتتى. بۇل «جاستار جىلىنىڭ» جالعاسى رەتىندە لايىقتى باعالاندى. «ەرىكتىلەر جىلىنا» وراي اۋدان جاستارى اۋقىمدى باستامالاردى جۇزەگە اسىرىپ، بىرلىكپەن، ىنتىماقپەن بيىك بەلەستەردى باعىندىردى"، – دەدى سىرداريا اۋدانىنىڭ اكىمى تالعات دۇيسەباەۆ.

سىرداريا اۋدانىندا 10 مىڭنان استام جاس بار. بيىل 400-گە جۋىعى ەرىكتى بولىپ تىركەلدى. جەتپىستەن اسا ءتۇرلى باعىتتاعى ءىس-شارالار ۇيىمداستىرىلدى. الەۋمەتتىك قىزمەتكەرلەر ەرىكتى جاستارمەن بىرگە مۇقتاج جاندارعا كومەك كورسەتتى. بەلسەندى جاستار تاريحي ورىنداردا تازالىق جۇمىستارىن جۇرگىزدى. اسىرەسە، پاندەميا كەزەڭىندە بەلسەندى بولدى. اۋداندىق اۋرۋحانادا ەم الىپ جاتقان ناۋقاستارعا قاجەتتى مەديتسينالىق قۇرىلعىلار مەن ءدارى-دارمەكتەردىڭ جەتكىزىلۋىنە اتسالىستى. سونداي-اق توتەنشە جاعداي بارىسىندا ءوز قولدارىنان 3 مىڭ دانادان استام، كاسىپكەرلەردىڭ كومەگىمەن 8 مىڭنان استام بەتپەردە تىگىپ، اۋدان تۇرعىندارىنا تەگىن تاراتتى. كاسىپكە بەتبۇرىس جاساپ جاتقان جاستار قاتارى ارتتى. «ەڭبەك» مەملەكەتتىك باعدارلاماسىنىڭ ءبىرىنشى باعىتىمەن 26 جاس قىسقا مەرزىمدى كاسىپتىك وقىتۋعا جىبەرىلسە، ەكىنشى باعىتى بويىنشا 23 جاس كاسىپكەر نەسيە الدى. جاڭا بيزنەس يدەيالاردى دامىتۋعا 160 جاس گرانت يەگەرى اتاندى. فورۋمدا جىلداعى داستۇرگە سايكەس ءتۇرلى سالادا بەلسەندىلىك تانىتىپ جۇرگەن 10 جاسقا «ورلەۋ» سىيلىعى تابىستالىپ، 100 مىڭ تەڭگەنىڭ سەرتيفيكاتى بەرىلدى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار