ەلباسى • 26 قاراشا، 2020

"تۇڭعىش پرەزيدەنت: جاسامپازدىق پەن ۇدەمەلى دامۋدىڭ 30 جىلى" اتتى دوڭگەلەك ۇستەل ءوتتى

13 رەت كورسەتىلدى

قازاقستان رەسپۋبليكاسىنىڭ تۇڭعىش پرەزيدەنتى كۇنى قارساڭىندا قازاقستاندىق جانە حالىقارالىق ساراپشىلار ەلباسى نۇرسۇلتان نازارباەۆتىڭ كوشباسشىلىق فەنومەنىن، تابىسقا جەتۋ فورمۋلاسىن جانە قازاقستاننىڭ تاۋەلسىز مەملەكەت رەتىندە قالىپتاسۋى مەن دامۋىنداعى ەلباسىنىڭ جاسامپازدىق ءرولىن تالقىلادى، دەپ حابارلايدى Egemen.kz.

اقپارات جانە قوعامدىق دامۋ مينيسترلىگىنىڭ قولداۋىمەن «رۋحاني جاڭعىرۋ» قازاقستاندىق قوعامدىق دامۋ ينستيتۋتى ۇيىمداستىرعان دوڭگەلەك ۇستەل «قازاقستان رەسپۋبليكاسىنىڭ تۇڭعىش پرەزيدەنتى: جاسامپازدىق پەن ۇدەمەلى دامۋدىڭ 30 جىلى» دەپ اتالدى.

شارانى اشقان اقپارات جانە قوعامدىق دامۋ ءمينيسترى ايدا بالاەۆا قازاقستاننىڭ 30 جىلدىق ۇدەمەلى دامۋىنىڭ جەتىستىكتەرى حرونيكاسى ەلباسىنىڭ كوشباسشىلىق تاريحى ەكەندىگىن اتاپ ءوتتى. تاۋەلسىز قازاقستاننىڭ بارلىق نەگىزگى كەزەڭدەرى نۇرسۇلتان نازارباەۆتىڭ ەلىمىزدى باسەكەگە قابىلەتتى وتىز ەلدىڭ قاتارىنا كىرۋى ءۇشىن باعىتتالعان جۇمىستارمەن تىكەلەي بايلانىستى.

دوڭگەلەك ۇستەلگە قاتىسۋشىلاردىڭ پىكىرىنشە، قازاقستان حالقى اسسامبلەياسىن قۇرۋ، استانانى كوشىرىپ، قايتا جاڭا ەلوردانى قۇرۋ، انتيادرولىق جانە ينتەگراتسيالىق باستامالاردى جۇزەگە اسىرۋ، ەلىمىزدىڭ بۇۇ قاۋىپسىزدىك كەڭەسىنە مۇشەلىگى، قازاقستاننىڭ ەۋروپاداعى قاۋىپسىزدىك جانە ىنتىماقتاستىق ۇيىمىنا توراعالىق ەتۋى، ەلدەگى جاڭا تەحنولوگيالاردىڭ دامۋى سىندى ەلباسىنىڭ تىكەلەي ات سالىسۋىمەن اتقارىلعان كوپتەگەن باستامالار مەن قادامداردىڭ بارلىعى حالىقارالىق قوعامداستىقتىڭ تاۋەلسىز اكتورى رەتىندە قازاقستاننىڭ ودان ءارى دامۋىنىڭ بەرىك ىرگەتاسىن قالادى. قازاقستان رەسپۋبليكاسىنىڭ العاشقى سىرتقى ىستەر ءمينيسترى تولەۋتاي سۇلەيمەنوۆ ەلباسىنىڭ مەملەكەت باسشىسى رەتىندەگى العاشقى جىلدارىن ەسكە الدى.

«قازاقستان رەسپۋبليكاسى تاۋەلسىزدىگىن العان كەزدە ونىڭ شەكاراسى بەكىتىلمەگەن بولاتىن. بۇل ەل بولاشاعى ءۇشىن قاۋىپتى ەدى. ال شەكارا بولماسا تاۋەلسىزدىك باياندى بولمايدى. وسى كەزدە نۇرسۇلتان نازارباەۆ كورشىلەس مەملەكەتتىڭ باسشىلارىمەن پاراساتتى كەلىسسوزدەر جۇرگىزۋ ارقىلى شەكارامىزدى قۇقىقتىق تۇرعىدا بەكىتىپ، تاۋەلسىز قازاقستاننىڭ ىرگەتاسىن قالادى»، - دەدى تولەۋتاي سۇلەيمەنوۆ.

ال ءوز كەزەگىندە شەتەلدىك ساراپشىلار قر تۇڭعىش پرەزيدەنتىنىڭ جاھاندىق باستامالاردى دامىتۋداعى جانە حالىقارالىق ينتەگراتسيالىق پروتسەستەردى دامىتۋداعى ۇلكەن ءرولىن اتاپ ءوتتى.

ماسەلەن، رەسەي مەملەكەتتىك گۋمانيتارلىق ۋنيۆەرسيتەتىنىڭ پرەزيدەنتى ەفيم پيۆوۆاردىڭ ايتۋىنشا، قازاقستاننىڭ ايماقتاعى كوشباسشىلىعىن قامتاماسىز ەتكەن، ەۋرازيالىق كەڭىستىكتەگى ينتەگراتسيالىق ۇدەرىستەردىڭ ستراتەگى، ءارى ساۋلەتشىسى – نۇرسۇلتان نازارباەۆ. مۇنىڭ بارلىعى ەلباسىنىڭ سىندارلى ەكونوميكالىق ستراتەگياسىنىڭ، حالىقارالىق كەڭىستىكتىڭ الىپ وكىلدەرىمەن تەرەزەسى تەڭ دارەجەدە بايلانىس ورناتۋىنىڭ جانە الەمدەگى نەعۇرلىم ءتيىمدى، ءارى ۇيلەسىمدى جالپىۇلتتىق كەلىسىم مەن بىرلىكتىڭ پارمەندى مودەلىنىڭ ارقاسىندا مۇمكىن بولدى.

وزبەكستان ۇلتتىق ۋنيۆەرسيتەتىنىڭ پروفەسسورى، فيلوسوفيا عىلىمدارىنىڭ دوكتورى نيگيناحون شەرمۋحامەدوۆا دوڭگەلەك ۇستەل بارىسىندا نۇرسۇلتان نازارباەۆتىڭ وزبەكستان مەن قازاقستان مادەنيەتتەرىنىڭ قارىم-قاتىناسىن دامىتۋداعى وراسان ءرولىن اتاپ ءوتتى.

سونداي-اق، ساراپشىلار ەلباسىنىڭ ناتيجەلى ساياساتتارىنىڭ ءبىرى رەتىندە ەتنوستىق توپتار ءۇشىن تەڭ مۇمكىندىكتەر ستراتەگياسىنىڭ ىسكە اسىرىلعاندىعىن جانە ۇلتارالىق تاتۋلىقتى كۇشەيتۋ ارقىلى ۇيىمشىل مۋلتيەتنوستىق قوعامنىڭ قالىپتاسقانىن ايتتى.

ء«دال وسى ۇلتارالىق رۋحاني بايلانىستار، ەتنوستاردىڭ ءبىر-بىرىنە دەگەن تولەرانتتىلىعى، ءوزارا قۇرمەتى – قوعامدىق كەلىسىم مەن جالپىۇلتتىق بىرلىكتىڭ قازاقستاندىق ۇلگىسى رەتىندە كۇللى الەمگە ۇلگى بولا الادى»، - دەپ اتاپ ءوتتى قازاقستان حالقى اسسامبلەياسىنىڭ كافەدرا مەڭگەرۋشىسى، لەۆ گۋميلەۆ اتىنداعى ەۇۋ قحا كافەدرالارى قاۋىمداستىعىنىڭ توراعاسى، حالىقارالىق ينفورماتيزاتسيا اكادەمياسىنىڭ اكادەميگى، س.ع.د ناتاليا كالاشنيكوۆا.

بۇل ماسەلەگە مەملەكەت تاريحى ينستيتۋتىنىڭ ديرەكتورى، تاريح عىلىمدارىنىڭ دوكتورى بۇركىت اياعان دا پىكىرىن ءبىلدىرىپ، ەلىمىزدە ەتنوسارالىق قاقتىعىستاردىڭ ورىن الماۋى جانە تۇتاستىعىمىزدىڭ ساقتالۋى دا ەلباسىمىزدىڭ سىندارلى ساياساتىنىڭ ناتيجەسى ەكەندىگىن ايتتى.

«بۇل 30 جىلدىق داڭعىل جولدى قازاقستان حالقى ابىرويمەن وتكىزىپ، رۋحاني جاڭعىرۋدى ساناسىنا سىڭىرگەن قوعام رەتىندە قالىپتاسىپ كەلە جاتىرمىز»، - دەدى بۇركىت اياعان.

قازاقستاندىق جانە شەتەلدىك ساراپشىلاردىڭ ايتۋىنشا، قازاقستان پرەزيدەنتى قاسىم-جومارت توقاەۆ ۇستانىپ وتىرعان ەتنوسارارالىق كەلىسىمنىڭ زاماناۋي ساياساتىنىڭ ترەندى ەلباسى نۇرسۇلتان نازارباەۆ باعىتىنىڭ ساباقتاستىعىنا نەگىزدەلگەن جانە تۇراقتىلىق پەن قوعامنىڭ بىرىگۋىن قامتاماسىز ەتۋگە، سىندارلى ديالوگ نەگىزىندە ەتنوسارالىق پروتسەستەردى رەتتەۋگە مۇمكىندىك بەرەدى.

دوڭگەلەك ۇستەلگە، سونداي-اق پرەزيدەنت جانىنداعى قسزي ديرەكتورىنىڭ ورىنباسارى سانات كوشكىمباەۆ، ەۋروپالىق قۇقىق جانە ادام قۇقىقتارى ساراپتامالىق ينستيتۋتىنىڭ ديرەكتورى مارات ءباشىموۆ، سونىمەن قاتار وزگە دە قازاقستاندىق جانە شەتەلدىك ساراپشىلار قاتىستى.

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

كاسىپكەرلەر ءۇمىت ارتىپ وتىر

ساياسات • بۇگىن، 07:54

زاكيريانوۆتىڭ «زووباعى»

پىكىر • بۇگىن، 07:45

ۇقساس جاڭالىقتار