قوعام • 26 قاراشا، 2020

قازاقستان حالقى اسسامبلەياسى رەسپۋبليكالىق مەدياتسيا كەڭەسىنىڭ وتىرىسى ءوتتى

9 رەت كورسەتىلدى

نۇر-سۇلتان قالاسىنىڭ دوستىق ۇيىندە ونلاين فورماتتا قازاقستان حالقى اسسامبلەياسى رەسپۋبليكالىق مەدياتسيا كەڭەسىنىڭ وتىرىسى ءوتتى، دەپ حابارلايدى Egemen.kz.

ءىس-شارانىڭ ماقساتى – مەدياتسيانى جانە داۋلاردى شەشۋدىڭ بالاما تاسىلدەرىن دامىتۋعا، مەدياتسيا سالاسىنداعى جاڭا مەملەكەتتىك ساياساتتى ازىرلەۋگە جاردەمدەسۋ. مەدياتسيا ينستيتۋتىن جانە داۋلاردى بالامالى شەشۋدى نىعايتۋ بويىنشا تۇراقتى جۇمىس ىستەيتىن ديالوگ الاڭىن قۇرۋ.

ءوز ءسوزىن: «بولاشاعى ءبىرتۇتاس ەلدىڭ بارلىق مەملەكەتتىك جانە ازاماتتىق قوعام ينستيتۋتتارى قىزمەتىنىڭ ەڭ باستى قاعيداتى – قوعامدىق كەلىسىمدى ساقتاۋ جانە نىعايتۋ. وسىعان وراي، بارلىق تاراپتاردىڭ قۇقىقتارى مەن بوستاندىقتارىن قۇرمەتتەۋ ارقىلى بىتىمگەرشىلىككە قول جەتكىزۋگە باعىتتالعان مەدياتسيا ينستيتۋتىنىڭ ەل بىرلىگى مەن قوعامدىق كەلىسىمدى دامىتۋداعى ءرولى زور» دەپ باستاعان قر پارلامەنتى ءماجىلىسىنىڭ دەپۋتاتى، قازاقستان حالقى اسسامبلەياسىنىڭ رەسپۋبليكالىق مەدياتسيا كەڭەسىنىڭ توراعاسى نارينە ميكاەليان قازىرگى ۋاقىتتا قازاقستان حالقى اسسامبلەياسىنىڭ قوعامدىق مەدياتورلار ينستيتۋتىن قالىپتاستىرۋ جانە دامىتۋ بويىنشا جۇرگىزىپ وتىرعان جۇيەلى جۇمىسى مەن ەلىمىزدە قۇرىلعان 29 مەدياتسيا كەڭەسىنىڭ جۇمىسى تۋرالى ايتىپ ءوتتى:

«قحا رەسپۋبليكالىق مەدياتسيا كەڭەسى ءوزارا ىنتىماقتاستىق تۋرالى 9 (توعىز) مەموراندۋمعا قول قويىلدى (قر جوعارعى سوتى، قر سۋديالار وداعى، رەسەي فەدەراتسياسىنىڭ «فەدەرالدى مەدياتسيا ينستيتۋتى»، رەسەي فەدەراتسياسىنىڭ ۇلتتىق مەدياتورلار ۇيىمى، قر ۇلتتىق دەنساۋلىق ساقتاۋ پالاتاسى، «اتامەكەن» ۇكپ، رەسپۋبليكالىق ادۆوكاتتار كوللەگياسى، رەسپۋبليكالىق نوتاريالدى پالاتاسى، قر ادام قۇقىقتارىن قورعاۋ بويىنشا ۋاكىلەتتى ۇيىم، «تۋران-استانا» ۋنيۆەرسيتەتى).

ولاردى جۇزەگە اسىرۋ اياسىندا 15000 اسا ءىس-شارا وتكىزىلىپ، 280000 ادامدى قامتىدى.

قازاقستان رەسپۋبليكاسى ادىلەت مينيسترلىگىنىڭ 2019 جىلعى اقپاراتىنا سۇيەنسەك، رەسپۋبليكامىزدا 126 مەدياتورلار ۇيىمدارى تىركەلگەن.

الايدا، ولاردىڭ تەك 24-ىندە عانا ءبىلىم بەرۋ قىزمەتتەرىن كورسەتۋگە قاجەتتى تالاپتارى، ياعني ءبىلىم بەرۋ باعدارلاماسى، وقىتىپ شىققان مەدياتورلارىنىڭ رەەسترى، سونداي-اق كاسىبي مەدياتورلاردى دايىندايتىن ترەنەر-مەدياتورلار تۋرالى اقپاراتى جاريالانعان ۆەب سايتى بار.

جوعارىدا ايتىلعانداردى ەسكەرە وتىرىپ، كاسىبي جانە ساپالى مەدياتورلاردى دايىنداۋ ءۇشىن كاسىبي مەدياتورلاردى اتتەستاتتان وتكىزۋ جانە تىركەلگەن قوعامدىق مەدياتسيا ورتالىقتارىن اككرەديتتەۋ قاجەت.

رەسپۋبليكاداعى مەدياتورلاردىڭ جۇمىسىن ساپالى ۇيلەستىرۋ جانە رەتتەۋ ءۇشىن جاڭا ۇيىم قۇرۋ قاجەتتىلىگى، نە بولماسا قازىرگى ۋاقىتتا بار جانە ساپالى جۇمىس جاساپ جاتقان قازاقستانداعى سەرتيفيكاتتاۋ جانە اككرەديتتەۋ ۇلتتىق ورتالىقتارىنا جۇگىنۋ ماسەلەسى تۋىنداپ وتىر.

بۇل باعىتتا جۇمىستار جالعاساتىن بولادى»، - دەدى ول.

ءىس-شاراعا، سونداي-اق، قر اقپارات جانە قوعامدىق دامۋ مينيسترلىگى ەتنوسارالىق قاتىناستاردى دامىتۋ كوميتەتى توراعاسىنىڭ ورىنباسارى ەركىن ۇيسىمباەۆ، «قوعامدىق كەلىسىم» رمم ديرەكتورى ەربول شاۋەنوۆ، قحا مۇشەسى، قازاقستانداعى «ۆايناح» شەشەن-ينگۋش حالىقتارىنىڭ مادەنيەتىن دامىتۋ قاۋىمداستىعى» زتب مۇشەسى، كاسىبي مەدياتور يۋسۋپ كەليگوۆ، قحا مۇشەسى، «وزبەك ەتنومادەني ورتالىعى» قوعامدىق بىرلەستىگىنىڭ توراعاسى، جاتتىقتىرۋشى-مەدياتور شەرزود پۋلاتوۆ، مينيسترلىكتەر مەن وڭىرلىك مەدياتسيا ورتالىقتارىنىڭ وكىلدەرى، كاسىبي جانە قوعامدىق مەدياتورلار قاتىستى.

قحا مۇشەسى، «وزبەك ەتنومادەني ورتالىعى» قوعامدىق بىرلەستىگىنىڭ توراعاسى، جاتتىقتىرۋشى-مەدياتور شەرزود پۋلاتوۆ ءوز سوزىندە بىرقاتار ۇسىنىستارىن ءبىلدىردى: «بىرىنشىدەن، مەدياتورلاردىڭ كاسىبيلىگىن ارتتىرۋ ماقساتىندا جانجالداردى شەشۋدىڭ، ونىڭ ىشىندە كەلىسسوزدەر مەن تاتۋلاستىرۋ راسىمدەرى سالاسىندا جاڭا قۇرالداردى ۇيرەتۋ بويىنشا ءبىلىم بەرۋدى باستاۋ قاجەت.

ەكىنشىدەن، ىقتيمال جانجالداردىڭ الدىن الۋ ءۇشىن جانجالدى ايماقتاردى، ونىڭ ىشىندە ىقشام ءومىر ءسۇرىپ جاتقان ەتنوستاردى انىقتاۋ بويىنشا تالدامالىق-زەرتتەۋ جۇمىستارىن جالعاستىرۋ قاجەت.

ۇشىنشىدەن، جانجالدان كەيىنگى باسقارۋدىڭ ءتيىمدى الگوريتمدەرىن جاساپ، جانجالدار ەتنوسارالىق جازىقتىققا وتكەن ايماقتاردى قالپىنا كەلتىرۋ بويىنشا جۇمىستار جۇرگىزۋ قاجەت.

تورتىنشىدەن، كوللەدجدەر مەن ۋنيۆەرسيتەتتەردە ماگيسترلىك باعدارلامالار ازىرلەپ، كونفليكتولوگتاردى، مەدياتورلار مەن كەلىسسوز جۇرگىزۋشىلەردى دايارلاۋدا، ونىڭ ىشىندە ەتنومەدياتسيا سالاسىندا ارنايى مودۋلدەر جاساۋ قاجەت»، - دەدى ول.

جالپى، جيىن بارىسىندا قازاقستانداعى مەدياتسيا ينستيتۋتىن ودان ءارى دامىتۋدىڭ وزەكتى ماسەلەلەرى تالقىلانىپ، قحا رەسپۋبليكالىق مەدياتسيا كەڭەسىنىڭ جاڭا قۇرامى بەكىتىلدى جانە مەدياتسيا كەڭەسىنىڭ ەرەجەسى قارالدى.

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

كاسىپكەرلەر ءۇمىت ارتىپ وتىر

ساياسات • بۇگىن، 07:54

ۇقساس جاڭالىقتار