باستاپقىدا كۇي 2019 جىلدىڭ 19 ناۋرىزىندا ديماشتى اۋەجايدا قارسى العان كەزدە ورىندۋ ءۇشىن دايىندالدى, -دەيدى سۆەتلانا. ودان كەيىن ءانشى كرەمل سارايىندا D-Dynasty جەكە كونتسەرتىن بەردى.
الايدا, «بەرەزكا» ارتىستەرى اۋەجايدا تەك «ماسكەۋ ماڭىنداعى كەشتەر» مەن «كالينكانى» ورىندادى. ويتكەنى جانكۇيەرلەر كوپ بولدى. سول ءۇشىن ديماشتى كەشىكتىرگىسى كەلمەدى. ءسويتىپ, «القيسسا» كەيىنگە شەگەرىلىپ, تاعى دا وڭدەلىپ جارىق كوردى.
«القيسسانى» ديماشتىڭ جانە باسقا دا مۋزىكانتتاردىڭ ورىنداۋىندا بىرنەشە رەت تىڭداعان سوڭ سۆەتلاناعا قازاق كومپوزيتسياسىنا كاۆەر جاساۋ يدەياسى كەلدى. وعان كۇيدىڭ ەرەكشە ادەمى دىبىستالۋى قاتتى ۇنادى. سونداي-اق, سۆەتلانا بۇل كۇي ورىس حالىق اسپاپتارى بالالايكا مەن دومرادا دا ەرەكشە ەستىلەتىنىن ايتادى.
سۆەتلانانىڭ يدەياسىن «بەرەزكا» ماحا (مەملەكەتتىك اكادەميالىق حورەوگرافيالىق انسامبل) وركەسترىندەگى ارىپتەستەرى بىردەن قولدادى.
ۆلاديمير گولۋبچيكوۆ (بالالايكا پريمادا وينايدى, وڭدەۋشى دىبىس ينجەنەرى,);
ۆيتالي كۋزنەتسوۆ (بالالايكا پريما, دومرا);
ميحايل تەنكوۆ (باس-گيتارا, كونتراباس);
دميتري سلەتكوۆ (پەركۋسسيا);
سۆەتلانا زاكۋنوۆا (دومرا الت);
كليپ مونتاجداۋشىسى دارينا تريفونوۆا.
ء«بىز توپپەن بىرگە جينالىپ, كومپوزيتسيانى تىڭدادىق, ونى اسپاپتار اراسىندا پارتيالارعا بولدىك. ارينە, ولار بۇل پروتسەستە وزدەرىنىڭ ويلارىن ايتىپ, ۇلەس قوستى. قيىن جاتتىعۋلاردان كەيىن ءبىز قالاعان ناتيجەگە قول جەتكىزدىك, سودان كەيىن ونى جازۋدى باستادىق», – دەدى سۆەتلانا.
«بەرەزكا» ماحا وركەسترى 1959 جىلدىڭ باسىندا كەڭەستىك بالەتمەيستەر جانە حورەوگراف نادەجدا سەرگەەۆنا نادەجدينانىڭ باستاماسىمەن قۇرىلعان. بۇعان دەيىن حورەوگرافيالىق انسامبلدە تەك 4 بايانشى بولعان. قازىر وركەستر اۋقىمى كەڭەيىپ, وندا 13 مۋزىكانت جانە 2 ۆوكاليست بار.
وركەستردىڭ باس ديريجەرى-رەسەيدىڭ حالىق ءارتىسى لەونيد كونستانتينوۆيچ سميرنوۆ. ال تۇراقتى كوركەمدىك جەتەكشىسى – كسرو حالىق ءارتىسى ميرا ميحايلوۆنا كولتسوۆا.
سۆەتلانا زاكۋنوۆانىڭ ءوزى 2007 جىلدان باستاپ «بەرەزكا» ءانسامبلىنىڭ مۇشەسى. بۇعان دەيىن ول م.ە. پياتنيتسكي اتىنداعى مەملەكەتتىك اكادەميالىق ورىس حالىق حورىنىڭ وركەسترىندە جۇمىس ىستەدى. كاسىبي تۇردە كىشى جانە التو دومرادا, سونداي-اق ماندوليندە وينايدى.
سۆەتلانا 2 جىلدان بەرى ديماشتىڭ شىعارماشىلىعىمەن تانىس. قازاقستاندىق ءانشىنى قىتايداعى «I’ m Singer»بايقاۋىندا العاش رەت ەستىگەن. ديماشتىڭ ەۋرازيالىق فان-كلۋبىنىڭ جانە Moscow Dear-لارىنىڭ مۇشەسى.
