پرەزيدەنت • 24 قاراشا، 2020

پرەزيدەنت دەنساۋلىق ساقتاۋ مينيسترىنە سيرەك دەرتكە شالدىققان بالاعا كومەكتەسۋدى تاپسىردى

19 رەت كورسەتىلدى

پرەزيدەنت قاسىم-جومارت توقاەۆ دەنساۋلىق ساقتاۋ ءمينيسترى الەكسەي تسويعا اڭسار نۇرجانوۆ ەسىمدى بۇلشىقەت ديستروفياسىمەن سىرتقاتتانعان بالاعا كومەكتەسۋدى تاپسىردى، دەپ حابارلايدى Egemen.kz

بۇل تۋرالى مينيستر ءوزىنىڭ Facebook پاراقشاسىندا تولىعىراق ايتىپ ءوتتى. 

"مەملەكەت باسشىسى قاسىم-جومارت كەمەل ۇلى توقاەۆ اڭساردىڭ اناسىنىڭ جاريالاعان جازباسىنا نازار اۋداردى. مەن اسەلمەن (اڭساردىڭ اناسى) تەلەفون ارقىلى سويلەستىم. بالانى ەمدەۋدىڭ بولجامدى نۇسقالارىن تالقىلادىق. قاراعاندى وبلىسىنىڭ دەنساۋلىق ساقتاۋ باسقارماسىنىڭ باسشىسى بۇگىن اڭسارمەن كەزدەسەدى، ونىڭ ەمدەلۋىنە كومەكتەسەدى"، دەدى مينيستر الەكسەي تسوي.

ەستەرىڭىزدە بولسا، بۇعان دەيىن قاراعاندىلىق جەتكىنشەكتىڭ اناسى كوپشىلىكتەن كومەك سۇراپ، ءىnstagram پاراقشاسىندا بىرنەشە رەت جازبا جاريالاعان ەدى. جازبالارىنىڭ بىرىندە ول ءتىپتى پورتۋگاليالىق فۋتبولشى كريشتيانۋ رونالدۋعا دا كومەك سۇراپ جۇگىنگەن-ءدى. اڭسار نۇرجانوۆ ءبىر كەزدەرى دەنساۋلىعىندا ەش اقاۋ جوق، ون ەكى مۇشەسى ساۋ بالا بولعان. الايدا كەيىن وزىنەن-ءوزى شالىنىپ قۇلاي بەرەتىن جاعدايعا دۋشار بولىپتى. قاۋىپتى دەرت جەتكىنشەكتىڭ بۇكىل بۇلشىقەت جۇمىسىنا زاقىم كەلتىرگەن.

سوڭعى جاڭالىقتار

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

سەمەيگە جاڭا اكىم تاعايىندالدى

تاعايىنداۋ • بۇگىن، 11:57

الماتىدا 10 كىتاپحانا جاڭارتىلدى

ايماقتار • بۇگىن، 10:47

ۇقساس جاڭالىقتار