ەكونوميكا • 24 قاراشا، 2020

قارجى ءمينيسترى ايب ىندەت اياسىندا قاراجات بولەتىنىن ايتتى

9 رەت كورسەتىلدى

ءماجىلىستىڭ جالپى وتىرىسىندا "قازاقستان مەن ازيا ينفراقۇرىلىمدىق ينۆەستيتسيالار بانكى اراسىنداعى قارىز تۋرالى كەلىسىمدى راتيفيكاتسيالاۋ تۋرالى" زاڭ جاباسى ماقۇلداندى، دەپ حابارلايدى Egemen.kz

"2020 جىلعى 13 تامىزداعى №386 قر پرەزيدەنتىنىڭ جارلىعىنا سايكەس 661 ملن 800 مىڭ ەۋرو سوماسىنداعى قازاقستان رەسپۋبليكاسى مەن ازيا ينفراقۇرىلىمدىق ينۆەستيتسيالار بانكى اراسىنداعى قارىز تۋرالى كەلىسىمگە قول قويىلدى. قارىز بيۋدجەت تاپشىلىعىن قارجىلاندىرۋعا باعىتتالاتىن بولادى. ياعني COVID-19 پاندەمياسىنىڭ سالدارىنا قارسى كۇرەس جانە ەكونوميكانى قالپىنا كەلتىرۋ بويىنشا قر ۇكىمەتىنىڭ شارالارىن قولداۋعا مۇمكىندىك بەرەدى. قارىز 3 جىلدىق جەڭىلدىكتى كەزەڭدى قوسا العاندا، 10 جىل وتەۋ مەرزىمىنە بەرىلەدى. سىياقى مولشەرلەمەسى ‒ ەۋريبور+0،50%"، دەدى قارجى ءمينيسترى ەرۇلان جاماۋباەۆ. 

كەلىسىمدە بەلگiلەنگەن قارجىلىق شارتتارعا سايكەس، قارىزعا قىزمەت كورسەتۋ جانە ونى وتەۋ رەسپۋبليكالىق بيۋدجەت قاراجاتى ەسەبiنەن جۇزەگە اسىرىلاتىن بولادى. 

"كورسەتىلگەن قاراجاتتى تارتۋ بيۋدجەتتىڭ بەكىتىلگەن تاپشىلىعى جاعدايىندا وتە ماڭىزدى بولىپ وتىر. بۇل قاراجات ازيا ينفراقۇرىلىمدىق ينۆەستيتسيالار بانكىنىڭ پاندەمياعا قارسى كۇرەس جونىندەگى ارنايى باعدارلاماسى اياسىندا قازاقستان رەسپۋبليكاسى ءۇشىن رەزەرۆتەلىپ قويىلعان"، دەدى مينيستر.

سوڭعى جاڭالىقتار

ۇقساس جاڭالىقتار