ەكونوميكا • 24 قاراشا، 2020

ون ءبىر اۋىلعا گاز جەتتى

10 رەت كورسەتىلدى

باتىس قازاقستان وبلى­سى­نىڭ اقجايىق اۋدانىنا قاراستى 11 ەلدى مەكەن تا­بي­عي گاز جەلىسىنە جال­عان­دى.

بيىل باتىس قازاقستان وبلىسىندا 24 اۋىلعا گاز قۇبىرىن تارتۋ جوسپارلانعان بولاتىن. وسىنىڭ ناتيجەسىندە ءوڭىر تۇرعىندارىنىڭ 98،6%-ى وت جاعىپ، كۇل شىعارۋ بەينەتىن ۇمىتادى. مىنە، جاقىندا عانا اقجايىق اۋدانىنداعى العاباس اۋىلدىق وكرۋگىنە قاراستى جاڭاجول، تەگىسجول، قاراعاي، توعان اۋىلدارىنا جانە جامبىل اۋىلدىق وكرۋگىندەگى جامبىل، ۇشتوبە، بىتىك ەلدى مەكەندەرىنە گاز تارتىلدى. شاعىن عانا جاڭاجول اۋىلىنا تارتىلعان تابيعي گاز جەلىسىنىڭ اشىلۋىنا باتىس قازاقستان وبلىسىنىڭ اكىمى عالي ەسقاليەۆ ارنايى كەلدى.

ء«بىزدىڭ جۇمىسىمىزدىڭ باستى باعىتتارىنىڭ ءبىرى – اۋىلدىق ەلدى مەكەندەردى گازداندىرۋ. وزدەرىڭىز جاقسى بىلەسىزدەر، توقسانىنشى جىل­دارعا دەيىن اۋىلداردا گاز بولمادى. ەلباسىنىڭ باستاماسىمەن قاراشىعاناق كەن ورنىنا شەتەلدىك ينۆەستورلار تارتىلىپ، ينۆەستيتسيالاردىڭ ارقاسىندا كوپتەگەن اۋىل-ايماق گازبەن قامتىلىپ وتىر. سوڭعى ون-ون ەكى جىلدىڭ ىشىندە شامامەن 200-دەي ەلدى مەكەنگە گاز تارتىلدى. وسى جۇمىستارعا 30 ملرد تەڭگەدەن استام قاراجات ءبولىندى. بيىلدىڭ وزىندە وبلىس بويىنشا 1 ملرد 300 ملن تەڭگە قاراجات قاراستىرىلىپ، 164 شاقىرىم گاز قۇبىرى تارتىلدى. وبلىس بويىنشا 21 اۋىلعا گاز جەتكىزىلسە، ءسىزدىڭ اۋداندا 11 ەلدى مەكەن كوگىلدىر وتىننىڭ يگى­لى­گىن كورۋگە مۇمكىندىك الدى. گاز بار جەردە بيزنەس تە وركەن­دەي­دى. كاسىپپەن اينالىسامىن دەگەن جاستارىمىز اۋىلدا تۇ­راق­تاپ، وسى يگىلىكتىڭ جەمىسىن كور­سىن دەپ تىلەيمىز. بۇگىنگى قۋا­نىش قۇتتى بولسىن، ەل-جۇرت امان بولىپ، جاقسىلىقتارىمىز ەسە­لەنە بەرسىن» دەدى وبلىس باس­شىسى جاڭاجول اۋىلىنا تۇرعىندارىنا كوگىلدىر وتىن­نىڭ الاۋىن تۇتاتىپ تۇرىپ.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار