2013 جىلعى 26 قىركۇيەك, استانا قالاسى
ۇلتتىق الدىن الۋ تەتىگىنىڭ قاتىسۋشىلارىن ىرىكتەۋ قاعيدالارىن بەكىتۋ تۋرالى
قازاقستان رەسپۋبليكاسىنىڭ قىلمىستىق-اتقارۋ كودەكسىنىڭ 21-2-بابى, «حالىقتىڭ دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ 184-2-بابى, «الكوگوليزمگە, ناشاقورلىق پەن ۋىتقۇمارلىق دەرتiنە شالدىققان اۋرۋلاردى ەرiكسiز ەمدەۋ تۋرالى» قازاقستان رەسپۋبليكاسى زاڭىنىڭ 10-2-بابى, «ادامداردى قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەردە ۇستاۋ ءتارتىبى مەن شارتتارى تۋرالى» قازاقستان رەسپۋبليكاسى زاڭىنىڭ 46-11-بابى, «قازاقستان رەسپۋبليكاسىنداعى بالانىڭ قۇقىقتارى تۋرالى» قازاقستان رەسپۋبليكاسى زاڭىنىڭ 47-2-بابى, «كامەلەتكە تولماعاندار اراسىنداعى قۇقىق بۇزۋشىلىقتاردىڭ پروفيلاكتيكاسى مەن بالالاردىڭ قاداعالاۋسىز جانە پاناسىز قالۋىنىڭ الدىن الۋ تۋرالى» قازاقستان رەسپۋبليكاسى زاڭىنىڭ 27-بابىن ىسكە اسىرۋ ماقساتىندا:
1. قوسا بەرىلگەن ۇلتتىق الدىن الۋ تەتىگىنىڭ قاتىسۋشىلارىن ىرىكتەۋ قاعيدالارى بەكىتىلسىن.
2. وسى وكىم ونىڭ ءبىرىنشى رەت رەسمي جاريالانعان كۇنىنەن باستاپ ون كۇنتىزبەلىك كۇن وتكەندە قولدانىسقا ەنەدى.
ا.شاكىروۆ.
ادام قۇقىقتارى جونىندەگى ۋاكىلدىڭ 2013 جىلعى 26 قىركۇيەكتەگى №20 وكىمىمەن بەكىتىلگەن
ۇلتتىق الدىن الۋ تەتىگىنىڭ قاتىسۋشىلارىن ىرىكتەۋ قاعيدالارى
1. جالپى ەرەجەلەر
1 وسى ۇلتتىق الدىن الۋ تەتىگىنىڭ قاتىسۋشىلارىن ىرىكتەۋ قاعيدالارى (بۇدان ءارى – قاعيدالار) ۇلتتىق الدىن الۋ تەتىگىنىڭ قاتىسۋشىلارىن الدىن الا بولۋ ءۇشىن ىرىكتەۋ ءتارتىبىن بەلگىلەيدى.
2. وسى قاعيدالار قازاقستان رەسپۋبليكاسىنىڭ قىلمىستىق-اتقارۋ كودەكسىنىڭ 21-2-بابى, «حالىقتىڭ دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ 184-2-بابى, «الكوگوليزمگە, ناشاقورلىق پەن ۋىتقۇمارلىق دەرتiنە شالدىققان اۋرۋلاردى ەرiكسiز ەمدەۋ تۋرالى» قازاقستان رەسپۋبليكاسى زاڭىنىڭ 10-2–بابى, «ادامداردى قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەردە ۇستاۋ ءتارتىبى مەن شارتتارى تۋرالى» قازاقستان رەسپۋبليكاسى زاڭىنىڭ 46-11–بابى, «قازاقستان رەسپۋبليكاسىنداعى بالانىڭ قۇقىقتارى تۋرالى» قازاقستان رەسپۋبليكاسى زاڭىنىڭ 47-2-بابى, «كامەلەتكە تولماعاندار اراسىنداعى قۇقىق بۇزۋشىلىقتاردىڭ پروفيلاكتيكاسى مەن بالالاردىڭ قاداعالاۋسىز جانە پاناسىز قالۋىنىڭ الدىن الۋ تۋرالى» قازاقستان رەسپۋبليكاسى زاڭىنىڭ 27-بابىنا سايكەس ازىرلەنگەن.
3. ادام قۇقىقتارى جونىندەگى ۋاكىل, سونداي-اق ۇيلەستىرۋ كەڭەسى ىرىكتەيتىن ازاماتتاردىڭ قۇقىقتارىن, زاڭدى مۇددەلەرىن قورعاۋدى جۇزەگە اسىراتىن قوعامدىق بايقاۋ كوميسسيالارىنىڭ جانە قوعامدىق بىرلەستىكتەردىڭ مۇشەلەرى, زاڭگەرلەر, الەۋمەتتىك قىزمەتكەرلەر, دارىگەرلەر ۇلتتىق الدىن الۋ تەتىگىنىڭ قاتىسۋشىلارى بولىپ تابىلادى.
4. ۇلتتىق الدىن الۋ تەتىگىنىڭ قاتىسۋشىلارى الدىن الا بولۋ ءۇشىن ىرىكتەۋ كەزىندە تەگىنە, الەۋمەتتىك, لاۋازىمدىق جانە م ۇلىكتىك جاعدايىنا, جىنىسىنا, ناسىلىنە, ۇلتىنا, تىلىنە, دىنگە كوزقاراسىنا, نانىمىنا, تۇرعىلىقتى جەرىنە بايلانىستى نەمەسە كەز كەلگەن وزگە جاعداياتتار بويىنشا قاتىسۋشىلاردىڭ ەشقايسىسىن ەشقانداي كەمسىتۋگە بولمايدى.
5. ۇلتتىق الدىن الۋ تەتىگىنە:
1) قازاقستان رەسپۋبليكاسىنىڭ ازاماتى بولىپ تابىلمايتىن تۇلعالار;
2) زاڭدا بەلگىلەنگەن تارتىپپەن وتەلمەگەن نەمەسە الىنباعان سوتتىلىعى بار تۇلعالار;
3) قىلمىس جاساۋدا كۇدىكتى نەمەسە ايىپ تاعىلىپ وتىرعان تۇلعالار;
4) سوتپەن ارەكەتكە قابىلەتسىز نەمەسە ارەكەتكە قابىلەتتىلىگى شەكتەلگەن دەپ تانىلعان تۇلعالار;
5) سۋديالار, ادۆوكاتتار, مەملەكەتتىك قىزمەتشىلەر جانە اسكەري قىزمەتشىلەر, سونداي-اق قۇقىق قورعاۋ جانە ارنايى مەملەكەتتىك ورگانداردىڭ قىزمەتكەرلەرى;
6) پسيحياتردا جانە/نەمەسە ناركولوگتا ەسەپتە تۇراتىن تۇلعالار;
7) قاساقانا قىلمىس جاساعانى ءۇشىن اقتالمايتىن نەگىزدەر بويىنشا قىلمىستىق جاۋاپكەرشىلىكتەن بوساتىلعان تۇلعالار;
8) جاعىمسىز سەبەپتەرمەن مەملەكەتتىك نەمەسە اسكەري قىزمەتتەن, قۇقىق قورعاۋ جانە ارنايى مەملەكەتتىك ورگانداردان, سوتتاردان بوساتىلعان نەمەسە ادۆوكاتتار كوللەگياسىنان شىعارىلعان تۇلعالار;
9) ادۆوكاتتىق قىزمەتپەن اينالىسۋعا ليتسەنزياسىنان ايىرىلعان تۇلعالار قاتىسۋشى بولا المايدى.
2. ۇلتتىق الدىن الۋ تەتىگىنىڭ قاتىسۋشىلارىن ىرىكتەۋ ءتارتىبى
6. ۇلتتىق الدىن الۋ تەتىگى قاتىسۋشىلارىنىڭ (بۇدان ءارى – ۇاتق) قۇرامىن قالىپتاستىرۋ بىرقاتار جۇيەلى كەزەڭدەردى قامتيدى:
1) ۇاتق ىرىكتەۋ وتكىزۋ تۋرالى حابارلاندىرۋ جاريالاۋ;
2) ۇمىتكەرلەردىڭ قۇجاتتارىن قابىلداۋ جانە قاراۋ;
3) ادام قۇقىقتارى جونىندەگى ۋاكىل جانىنداعى ۇيلەستىرۋ كەڭەسىنىڭ (بۇدان ءارى - ۇيلەستىرۋ كەڭەسى) شەشىمدەرى نەگىزىندە ۇاتق قۇرامىنا الۋ.
7. ۇاتق قۇرامىنا ەنۋ ءۇشىن ۇمىتكەرلەر ۇيلەستىرۋ كەڭەسىنە ەرىكتى نىساندا ءوتىنىشىن تاپسىرادى.
8. وتىنىشكە:
1) جەكە كۋالىكتىڭ نە تولقۇجاتتىڭ كوشىرمەسى;
2) ۇمىتكەردىڭ ءوز قولىمەن جازىلعان ءومىربايانى;
3) ءبىلىم تۋرالى اتتەستاتتىڭ, بار بولعان جاعدايدا - ديپلومنىڭ كوشىرمەسى;
4) ەڭبەك كىتاپشاسىنىڭ كوشىرمەسى نەمەسە ەڭبەك قىزمەتىن راستايتىن وزگە دە قۇجات;
5) جۇمىس ورنىنان انىقتاما (جۇمىسى بولعان جاعدايدا);
6) سوتتالماعاندىعى تۋرالى انىقتاما;
7) پسيحونەۆرولوگيالىق ديسپانسەردىڭ انىقتاماسى;
8) ناركولوگيالىق ديسپانسەردىڭ انىقتاماسى;
9) تۇرعىلىقتى جەردەن انىقتاما;
10) ۇيدەگى, جۇمىستاعى جانە ۇيالى تەلەفوندار, سونداي-اق جەكە ەلەكتروندىق مەكەنجاي كورسەتىلگەن جەكە پاراق;
11) 3 ح 4 ەكى فوتوسۋرەت.
12) جوعارىدا كورسەتىلگەن قۇجاتتاردى تىگۋ ءۇشىن پاپكا قوسا بەرىلەدى.
9. قۇجاتتار ۇاتق قۇرامىنا ىرىكتەۋ وتكىزۋ تۋرالى حابارلاندىرۋ ينتەرنەت-رەسۋرستا جاريالانعان كۇننەن باستاپ ون بەس كۇنتىزبەلىك كۇن ىشىندە قولما-قول, پوشتا ارقىلى نەمەسە ەلەكتروندى پوشتا ارقىلى قابىلدانادى.
10. ۇمىتكەرلەردىڭ كورىنەۋ جالعان اقپارات پەن قۇجاتتار ۇسىنۋ فاكتىسىن انىقتاۋ ولاردىڭ ۇاتق قۇرامىنا ىرىكتەۋىنەن ونىڭ كەز كەلگەن كەزەڭىندە شىعارىلۋى ءۇشىن نەگىز بولىپ تابىلادى.
11. ازاماتتاردىڭ قۇقىقتارىن, زاڭدى مۇددەلەرىن قورعاۋدى جۇزەگە اسىراتىن قوعامدىق بايقاۋ كوميسسيالارىنىڭ (بۇدان ءارى – قبك) جانە قوعامدىق بىرلەستىكتەردىڭ (بۇدان ءارى – ۇەۇ) ۇاتق قۇرامىنا ەنگىزۋ ءۇشىن وزدەرىنىڭ مۇشەلەرىن قبك جانە ۇەۇ جالپى جينالىسىنىڭ شەشىمى بويىنشا نە قبك نەمەسە ۇەۇ توراعاسىنىڭ ء(بىرىنشى باسشىسىنىڭ) جازباشا ۇسىنىسى بويىنشا ۇسىنادى.
12. ۇاتق قۇرامىنا ەنگىزۋ ءۇشىن قبك نەمەسە ۇەۇ ۇمىتكەرى وسى قاعيدالاردىڭ 7 جانە 8–تارماقتارىندا كورسەتىلگەن قۇجاتتاردى ۇسىنادى.
13. ۇيلەستىرۋ كەڭەسى قۇجاتتاردى قاراۋ قورىتىندىسى بويىنشا اشىق داۋىس بەرۋ جولىمەن قاراپايىم كوپشىلىك داۋسىمەن ۇاتق قۇرامىنا ۇمىتكەردىڭ الىنۋى نەمەسە الۋدان باس تارتۋ تۋرالى شەشىمى قابىلدانادى.
14. ۇيلەستىرۋ كەڭەسى ۇمىتكەردى ىرىكتەۋدىڭ ناتيجەلەرى تۋرالى حاباردار ەتەدى.
15. ۇيلەستىرۋ كەڭەسىنىڭ شەشىمى مەن ۇاتق-نا ىرىكتەلگەن ءتىزىم ادام قۇقىقتارى جونىندەگى ۋاكىلدىڭ ينتەرنەت-رەسۋرسىندا ورنالاستىرىلادى.
16. ۇمىتكەرلەر اراسىنان ۇاتق قۇرامى ۇيلەستىرۋ كەڭەسى وتىرىسىنىڭ شەشىمىمەن جىل سايىن بەكىتىلەدى.
17. مەرزىم وتكەندە ۇيلەستىرۋ كەڭەسى ەسەپتى جىلدىڭ (كەزەڭنىڭ) سوڭىندا الداعى كۇنتىزبەلىك جىلعا ۇاتق قايتا ىرىكتەۋىن وتكىزەدى.
18. ۇاتق ارەكەت ەتىپ جاتقان قۇرامىنا ىرىكتەلگەن تۇلعالار ۇاتق قۇرامىندا الداعى كۇنتىزبەلىك جىلعا جۇمىسىن جالعاستىرۋعا نيەتىن بىلدىرگەن جاعدايدا ۇيلەستىرۋ كەڭەسىنە وسى قاعيدالاردىڭ 7-تارماعى مەن 8-تارماعىنىڭ 5)-9)-تارماقشالارىندا كورسەتىلگەن قۇجاتتاردى ۇسىنادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 8 قاراشادا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8892 بولىپ ەنگىزىلدى.
