ەكى وبلىستا كارانتين رەجيمى كۇشەيتىلدى

ايماقتار • 21 قاراشا، 2020

ەكى وبلىستا كارانتين رەجيمى كۇشەيتىلدى

32 رەت كورسەتىلدى

قازاقستاننىڭ ەكى وبلىسىندا كارانتين رەجيمى كۇشەيتىلدى، دەپ حابارلايدى Egemen.kz.

قوستاناي وبلىسىنىڭ باس مەملەكەتتىك سانيتار دارىگەرى ۆلاديمير نەچيتايلو تاعى ءبىر قاۋلىنى قابىلدادى. بۇعان دەيىنگى كارانتين شاراسى تاعى ءبىر اپتاعا سوزىلدى.

قۇجاتقا سايكەس، ەندى وڭىردە 22:00 مەن 06:00 ارالىعىندا تاكسي قوزعالىسى توقتايدى. جۇرگىزۋشىلەر مەن جولاۋشىلار ماسكا تاعىپ وتىرۋى كەرەك.

سونداي-اق:

فۋدكورت، بانكەت زالدارىنىڭ;
اكۆاپارك پەن تەرموپاركتەردىڭ جۇمىس ىستەۋىنە تىيىم سالىندى.

ءدىني نىساندار (مەشىت، شىركەۋ)، مادەنيەت نىساندارىنىڭ (جەكە، توپتىق دايىندىق)، كىتاپحانا، مۋزەي مەن تەاتردىڭ جۇمىسى توقتاتىلادى.

قالاارالىق جولاۋشىلار كولىگىنىڭ (اۆتوبۋس، ميكرواۆتوبۋس، تاكسي) جۇمىسى توقتاتىلادى.

سونىمەن قاتار، باتىس قازاقستان وبلىسىنىڭ باس سانيتار دارىگەرى كارانتين رەجيمىن ۇزارتتى.

بقو اۋماعىندا كەلەسى شەكتەۋلەر ەنگىزىلدى:

قوعامدىق اۆتوكولىك شەكتەۋلى رەجيم شەڭبەرىندە ساعات 06.00-دەن 23.00-گە دەيىن (جەكسەنبى جانە مەرەكە كۇندەرىن قوسپاعاندا)، قاربالاس ساعاتتاردا قوعامدىق كولىك جەلىدە ماكسيمالدى شىعۋىمەن جانە بىركەلكى قوزعالىس كەستەسىمەن جۇمىس ىستەيتىن بولادى.
ويىن-ساۋىق، سپورتتىق ءىس-شارالاردى، كورمەلەردى، فورۋمداردى، كونفەرەنتسيالاردى، سونداي-اق وتباسىلىق، ەستەلىك ءىس-شارالاردى (بانكەتتەر، ۇيلەنۋ تويلارى، مەرەيتويلار، ەسكە الۋ جانە ت. ب.)، ونىڭ ىشىندە ۇيدە جانە ادامدار كوپ جينالاتىن وزگە دە ءىس-شارالاردى وتكىزۋگە تىيىم سالۋ;
بارلىق ويىن-ساۋىق نىسانىنىڭ، كينوتەاترلاردىڭ، فۋدكورتتاردىڭ، بانكەت زالدارىنىڭ، بارلىق تۇردەگى ويىن الاڭدارىنىڭ (اۋلالاردى قوسپاعاندا)، تۇنگى كلۋبتاردىڭ، بارلاردىڭ، كاراوكە، كومپيۋتەرلىك جانە ويىن كلۋبتارىنىڭ، كاليان، بۋكمەكەرلىك كەڭسەلەردىڭ قىزمەتىن، مەرەكەلەردى ۇيىمداستىرۋ بويىنشا قىزمەتتەر مەن كەيتەرينگتىك قىزمەتتەر كورسەتۋدىڭ، مەنشىك نىسانىنا قاراماستان مەكتەپكە دەيىنگى بالالار مەكەمەلەرىنىڭ (كەزەكشى توپتاردى قوسپاعاندا)، جارمەڭكەلەردىڭ قىزمەتتەرىن توقتاتا تۇرۋ;
سپورتشىلاردىڭ قازاقستان رەسپۋبليكاسىنان تىس جەرلەردە وقۋ-جاتتىعۋ جيىندارى مەن جارىستارعا قاتىسۋى ءۇشىن شىعۋىنا تىيىم سالۋ;
اۋەجايلارعا، تەمىر جول ۆوكزالدارىنا كۇتىپ الاتىن جانە شىعارىپ سالاتىن ادامداردىڭ كىرۋىنە (قارتتاردى، جۇگى بار مۇمكىندىكتەرى شەكتەۋلى ادامداردى قارسى الاتىن جانە شىعارىپ سالاتىن ادامداردى قوسپاعاندا) شەكتەۋ قويۋ، ادامداردىڭ جينالۋىنا جول بەرمەۋ;
بەس جاسقا دەيىنگى بالالاردى، سونداي-اق الەۋمەتتىك قاشىقتىق ساقتاۋ ارقىلى قوعامدىق تاماقتانۋ ورىندارىندا تاماقتانۋ جاعدايلارىن قوسپاعاندا، قوعامدىق ورىنداردا، حالىقتىڭ كەلۋىنە، ولارعا قىزمەت كورسەتۋگە جانە دەمالۋعا ارنالعان ءۇي-جايلاردا، قوعامدىق اۆتوكولىكتەردە مەديتسينالىق نەمەسە ماتا بەتپەردەلەردى كيۋ مىندەتتى.