ونىڭ مالىمەتىنشە, وقۋ جىلىنىڭ باسىنان باستاپ رەسپۋبليكا بويىنشا 18 جاسقا دەيىنگى بالالار اراسىندا COVID-19 1713 جاعدايى تىركەلدى, ونىڭ ىشىندە وقۋشىلار اراسىندا 1099 (64,1%) جاعداي تىركەلدى. ماڭعىستاۋ وبلىسى بويىنشا جاڭا وقۋ جىلىنان باستاپ بۇگىنگى كۇنگە دەيىن وقۋشىلار اراسىندا بارلىعى COVID-19 زەرتحانالىق راستالعان 8 جاعداي تىركەلدى, ونىڭ ىشىندە 1-ءۋى وففلاين رەجيمدە, 7-ءۋى قاشىقتىقتان وقيدى جانە 1 مۇعالىم.
وقۋ جىلىنان باستاپ جالپى ءبىلىم بەرەتىن مەكتەپتەردە بارلىعى 179 تەكسەرۋ جۇرگىزىلدى (ەرەكشە ءتارتىپ بويىنشا 12 تەكسەرۋ, 167 مونيتورينگ). بۇزۋشىلىقتار وبلىستىڭ 10 مەكتەبىندە (5,5%) جوسپارلى تەكسەرۋلەر كەزىندە جانە 7,8% مونيتورينگ كەزىندە انىقتالدى.
-تەكسەرۋ ناتيجەلەرى بويىنشا ەرەكشە ءتارتىپ بويىنشا 2 اكىمشىلىك ايىپپۇل سالىندى. سالىنعان ايىپپۇل سوماسى - 83 340 تەڭگە. بۇزۋشىلىقتاردى جويۋ تۋرالى 9 ۇيعارىم بەرىلدى. تەكسەرىس بارىسىندا مەكتەپتەرگە ءتۇسىندىرۋ جۇمىستارى جۇرگىزىلدى. ءتۇسىندىرۋ جۇمىستارىنان كەيىن مونيتورينگ بويىنشا بارلىق بۇزۋشىلىقتار جويىلدى. انىقتالعان بۇزۋشىلىقتاردىڭ بارلىق فاكتىلەرى اۋدانداردىڭ, قالالار مەن وبلىستاردىڭ اكىمدىكتەرىنە, وبلىستىق ءبىلىم باسقارماسىنا اقپارات جىبەرىلدى, دەدى عازيز نادۋەۆ.
ماڭعىستاۋ وبلىسى
