ايماقتار • 20 قاراشا، 2020

قازالىدا «التىن ءدان – 2020» مەرەكەسى ءوتتى

64 رەت كورسەتىلدى

بۇگىن روزا باعلانوۆا اتىنداعى اۋداندىق مادەنيەت ورتالىعىندا وتكەن سالتاناتتى شارادا اۋدان اكىمى مۇرات ەرگەشباەۆ تۇرعىنداردى بەرەكە مەن مولشىلىقتىڭ باستاۋى – «التىن ءدان – 2020» مەرەكەسىمەن قۇتتىقتاپ، اۋىل ەڭبەككەرلەرىنىڭ ەڭبەكتەرىنىڭ اقتالعانىن اتاپ ءوتتى. تابىسقا جەتكەن وزاتتاردى ماراپاتتاپ، باعالى سىيلىقتار تابىستادى.

كۇرىش داقىلىنان مول ءونىم العان شارۋاشىلىقتار دا ماراپات تورىنەن كورىندى. 50 تسەنتنەردەن ءونىم العان «اگرو وركەن» جشس 1-ءشى دارەجەلى، 48 تسەنتنەر كورسەتكىشپەن «رزا-اگرو» جشس 2-ءشى دارەجەلى ديپلوممەن ماراپاتتالدى. ال، وبلىستىق ءماسليحات دەپۋتاتى مناجادين وتەەۆ جەتەكشىلىك ەتەتىن «سىر مارجانى» جشس «وزات وڭدەۋ كاسىپورنى» نوميناتسياسىنا يە بولدى.

اۋداندا ەگىن شارۋاشىلىعىمەن بىرگە مال، بالىق شارۋاشىلىعىن دامىتۋ باعىتىندا دا تولايىم تابىستارعا قول جەتكىزىلدى.

جىل باسىنان بەرى 10،9 ملرد. تەڭگەنىڭ اۋىلشارۋاشىلىعى ءونىمى ءوندىرىلدى. بارلىق اۋىلداردا باۋ-باقشا ەگۋ جۇمىسى جانداندى. بيىل 15 مىڭ تونناعا جۋىق باۋ-باقشا ونىمدەرى الىنسا، 3 مىڭ تونناعا جۋىق كۇرىش رەسەي، ۋكراينا، تاجىكستان مەن وزبەكستان ەلىنە ەكسپورتتالدى. بۇدان بولەك، ۇستىمىزدەگى جىلى 1 مىڭ توننادان استام بالىق ونىمدەرى گەرمانيا، دانيا، گرۋزيا، قىتاي مەملەكەتتەرىنە ەكسپورتقا شىعارىلدى.

حالقىمىز «جەر جومارت، جەرگە سەنگەن ەل جومارت، ەڭبەك ەتكەن ەر جومارت» دەگەن. بيىلعى ەگىن جيناۋ جۇمىسىنىڭ قورىتىندىسىمەن قازالىلىق ەڭبەك وزاتتارى دا ايماعىمىزدىڭ قۇرمەت تورىنەن كورىندى. بىرقاتار ازاماتتار «قۇرمەتتى ارداگەر» مەدالىن، اۋىلشارۋاشىلىعى مينيسترلىگىنىڭ «قۇرمەت گراموتاسىن» يەلەندى.

سالتاناتتى شارادا قازالى اۋدانى مەن قىزىلوردا وبلىسىنىڭ قۇرمەتتى ازاماتى، «رزا» اق پرەزيدەنتى سامۇرات يماندوسوۆ تا ءسوز سويلەپ، ديقانداردى ماراپاتتارىمەن قۇتتىقتادى.

سوڭعى جاڭالىقتار

سقو «قىزىل ايماققا» ەندى

ايماقتار • كەشە

ۇقساس جاڭالىقتار