2013 جىلعى 18 قىركۇيەك, استانا قالاسى
تىرەك اۋىلدىق ەلدى مەكەندەردى ايقىنداۋ ادىستەمەسىن بەكىتۋ تۋرالى
قازاقستان رەسپۋبليكاسى ۇكىمەتىنىڭ 2011 جىلعى 18 شىلدەدەگى № 816 قاۋلىسىمەن بەكىتىلگەن جۇمىسپەن قامتۋعا جاردەمدەسۋدىڭ بەلسەندى شارالارىنا قاتىساتىن ادامدارعا كاسىپكەرلىكتى دامىتۋدى مەملەكەتتىك قولداۋدى ۇيىمداستىرۋ جانە قارجىلاندىرۋ قاعيدالارىنىڭ 19-تارماعىنا سايكەس بۇيىرامىن:
1. قوسا بەرىلىپ وتىرعان تىرەك اۋىلدىق ەلدى مەكەندەردى ايقىنداۋ ادىستەمەسى بەكىتىلسىن.
2. جەرگىلىكتى ءوزىن-ءوزى باسقارۋدى, اۋىلدىق جانە شەكارا ماڭى اۋماقتارىن دامىتۋ دەپارتامەنتى تىرەك اۋىلدىق ەلدى مەكەندەردىڭ تىزبەسىن ۋاقتىلى كەلىسۋ جونىندە قاجەتتى شارالار قابىلداسىن.
3. جەرگىلىكتى ءوزىن-ءوزى باسقارۋدى, اۋىلدىق جانە شەكارا ماڭى اۋماقتارىن دامىتۋ دەپارتامەنتى:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن بۇقارالىق اقپارات قۇرالدارىندا رەسمي جاريالانۋىن;
3) وسى بۇيرىقتىڭ قازاقستان رەسپۋبليكاسى وڭىرلىك دامۋ مينيسترلىگىنىڭ رەسمي ينتەرنەت-رەسۋرسىندا جاريالانۋىن;
4) وسى بۇيرىقتى وبلىستاردىڭ جەرگىلىكتى اتقارۋشى ورگاندارىنىڭ نازارىنا جەتكىزۋدى قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى وڭىرلىك دامۋ ۆيتسە-ءمينيسترى س.م. جۇمانعارينگە جۇكتەلسىن.
5. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى –
قازاقستان رەسپۋبليكاسى وڭىرلىك دامۋ ءمينيسترى ب ساعىنتاەۆ.
قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى – قازاقستان رەسپۋبليكاسى وڭىرلىك دامۋ ءمينيسترىنىڭ 2013 جىلعى 18 قىركۇيەكتەگى № 234/نق بۇيرىعىمەن بەكىتىلگەن
تىرەك اۋىلدىق ەلدى مەكەندەرى ايقىنداۋ ادىستەمەسى
1. جالپى ەرەجەلەر
1. وسى تىرەك اۋىلدىق ەلدى مەكەندەردى ايقىنداۋ ادىستەمەسى (بۇدان ءارى - ادىستەمە) قازاقستان رەسپۋبليكاسى ۇكىمەتىنىڭ 2011 جىلعى 18 شىلدەدەگى № 816 قاۋلىسىمەن بەكىتىلگەن جۇمىسپەن قامتۋعا جاردەمدەسۋدىڭ بەلسەندى شارالارىنا قاتىساتىن ادامدارعا كاسىپكەرلىكتى دامىتۋدى مەملەكەتتىك قولداۋدى ۇيىمداستىرۋ جانە قارجىلاندىرۋ قاعيدالارىنىڭ 19-تارماعىنا سايكەس ازىرلەنگەن.
2. ادىستەمە جەرگىلىكتى اتقارۋشى ورگاندارىنىڭ تىرەك اۋىلدىق ەلدى مەكەندەردى (بۇدان ءارى - تاەم) ايقىنداۋ تاسىلدەرىن بەلگىلەيدى.
تاەم – بۇل دامىعان الەۋمەتتىك-ينجەنەرلىك ينفراقۇرىلىمى بار, اۋىلدىق ەلدى مەكەندەردىڭ (بۇدان ءارى – اەم) بەلگىلى توبىنا مەملەكەتتىك, ءبىلىم بەرۋ, دەنساۋلىق ساقتاۋ, قارجىلاي-دەلدالدىق, مادەني-دەمالىس جانە سەرۆيستىك قىزمەت كورسەتەتىن, اباتتاندىرىلعان ەلدى مەكەن.
3. تاەم-ءدى انىقتاۋ:
1) مەملەكەت كەپىلدىك بەرگەن مەملەكەتتىك قىزمەتتەرگە قولجەتىمدىلىكتى ارتتىرۋ (اەم تۇرعىندارىنا الەۋمەتتىك ينفراقۇرىلىم ۇيىمدارىنىڭ قىزمەت كورسەتۋىن ۇتىمدى راديۋسقا دەيىن ازايتۋ);
2) حالىقتىڭ جوعارى ءومىر ءسۇرۋ دەڭگەيىن قامتاماسىز ەتۋ;
3) دەموگرافيالىق احۋالدى جاقسارتۋ ءۇشىن نەگىزدەردى قۇرۋ;
4) اۋىلدىق جەردە ءومىر ءسۇرۋ بەدەلىن ارتتىرۋ ماقساتىندا جۇزەگە اسىرىلادى.
جەرگىلىكتى اتقارۋشى ورگانداردىڭ ۇزاق مەرزىمگە ارنالعان ستراتەگيالىق جانە باعدارلامالىق قۇجاتتارىندا اۋىل حالقىنىڭ ءومىر ءسۇرۋ جانە ەڭبەك ەتۋ جاعدايلارىن جاقسارتۋعا باعىتتالعان ء(وندىرىستىڭ جانە حالىقتىڭ شوعىرلانۋى, وندىرىستىك, الەۋمەتتىك جانە ينجەنەرلىك ينفراقۇرىلىمداردىڭ قۇرىلىسىن سالۋ جانە قايتا جاڭارتۋ) تاەم-دەگى ءوزارا بايلانىسقان ءىس-شارالار كەشەنى كورسەتىلەدى.
2. تاەم-ءنىڭ نەگىزگى مىندەتتەرى
4. تاەم-ءنىڭ نەگىزگى مىندەتتەرىنە مىنالار جاتادى:
1) تاەم تارتىلىس ايماعىندا ورنالاسقان ەلدى مەكەندەر توبىنىڭ تۇرعىندارىنا الەۋمەتتىك-مادەني قىزمەت كورسەتۋ, ونىڭ ىشىندە ءبىلىم بەرۋ, مەديتسينالىق قىزمەت كورسەتۋ, مادەنيەت, دەمالىس, سپورت وبەكتىلەرى (مادەنيەت ۇيلەرى, كلۋبتار, كىتاپحانالار, سپورتتىق جانە ويىن-ساۋىق مەكەمەلەرى) سالالارىندا قىزمەت كورسەتۋگە قولجەتىمدىلىكتى قامتاماسىز ەتۋ;
2) اۋىل شارۋاشىلىعى ونىمدەرىنىڭ تاۋار وندىرۋشىلەرىنە سەرۆيستىك قىزمەت كورسەتۋ (سەرۆيستىك دايىنداۋ تسەحتارى, اۋىل شارۋاشىلىعى تاۋارلارىن ساقتاۋ قويمالارى, قايتا وندەۋ تسەحتارى, مال سويۋ پۋنكتتەرى جانە باسقالار);
3) مەملەكەتتىك قىزمەتتەردى ۇسىنۋ (حالىققا قىزمەت كورسەتۋ ورتالىقتارىنىڭ (حقكو) فيليالدارىنان انىقتامالار الۋ, م ۇلىكتى تىركەۋ, ازاماتتىق حال اكتىلەرىن تىركەۋ (احات), نوتاريۋس قىزمەتتەرى جانە باسقالار);
4) ساۋدا-تۇرمىستىق جانە سەرۆيستىك قىزمەت كورسەتۋ (ساۋدا نۇكتەلەرى, قوعامدىق تاماقتانۋ پۋنكتتەرى, تۇرمىستىق قىزمەتتەر, تۇرمىستىق تەحنيكانى جوندەۋ, جانار-جاعار ماي ستانتسيالارى (ججمس), قوناقۇيلەر, اتەلەلار, تەحنيكالىق قىزمەت كورسەتۋ ستانتسيالارى (تقس) جانە باسقالار);
5) قارجىلىق قىزمەتتەردى (بانكتەردىڭ فيليالدارى, شاعىن نەسيەلىك ۇيىمدار, اۋىلدىق كرەديتتىك سەرىكتەستىكتەر, ساقتاندىرۋ كومپانيالارىنىڭ فيليالدارى جانە باسقالار) قامتاماسىز ەتۋ;
6) كولىكتىك قىزمەتتەردى (دامىعان لوگيستيكالىق جۇيە, اۆتوبەكەتتەرى جانە باسقالار) ۇسىنۋ.
3. تاەم-ءدى ايقىنداۋدىڭ ولشەمدەرى
5. تىرەك اۋىلدىق ەلدى مەكەندەر تەك قانا:
1) اۋىلدىق جانە كەنتتىك وكرۋگتەردىڭ ورتالىقتارى بولىپ تابىلاتىن;
2) دامۋ الەۋەتى 50 بالدان كەم ەمەس جوعارى جانە ورتا الەۋمەتتىك-ەكونوميكالىق دامۋ الەۋەتى بار;
3) قالادان نەمەسە اۋدان ورتالىعىنان 20 شاقىرىمنان كەم ەمەس راديۋستا ورنالاسقان;
4) حالقىنىڭ سانى اۋداننىڭ اۋىلدىق جانە كەنتتىك وكرۋگتەرى ورتالىقتارىنىڭ اراسىنداعى ورتاشا اريفمەتيكالىق كورسەتكىشتەن كەم ەمەس اەم قاتارىنان انىقتالادى.
6. تىرەك اۋىلدىق ەلدى مەكەندە مىنالار بولۋعا ءتيىس:
1) ەلدى مەكەندەر جۇيەسىندە باسىمدى تۇردە ورتادا جانە ەلدى مەكەندەر توبىن قامتۋدىڭ ۇتىمدى راديۋسىندا ورنالاسۋ;
2) باسىم بازالىق كاسىپورىن ء(ىرى اۋىل شارۋاشىلىعى ءوندىرىسى جانە باسقالار);
3) باسىم تۇردە شەكارالىق اۋماقتا ورنالاسۋ;
4) باسقا تاەم-نەن 50 شاقىرىمنان كەم ەمەس قاشىقتىقتا ورنالاسۋ;
5) قامسىزداندىرۋ نورماتيۆتەرىنە سايكەس دامىعان الەۋمەتتىك جانە ينجەنەرلىك ينفراقۇرىلىم;
6) پەرسپەكتيۆالىق دامۋ جانە قۇرىلىس سالۋ ءۇشىن اۋماقتار (بوس جەرلەردىڭ بولۋى, شەكتەۋ فاكتورلارىنىڭ بولماۋى);
7) وتكىزۋ نارىقتارىنا كولىكتىك قول جەتىمدىلىك;
8) قولايلى ەكولوگيالىق احۋال.
4. اقپارات كوزدەرى
7. تاەم-ءدى ايقىنداۋ ءۇشىن اقپارات كوزدەرى مىنالار بولىپ تابىلادى:
1) جالپىمەملەكەتتىك ستاتيستيكالىق بايقاۋلاردىڭ دەرەكتەرى;
2) اەم الەۋمەتتىك-ەكونوميكالىق جاعدايىن جانە دامۋ پەرسپەكتيۆاسىن تەكسەرۋ بارىسىندا جەرگىلىكتى اتقارۋشى ورگانداردان الىنعان اقپارات;
3) ۆەدومستۆولىق بايقاۋلاردىڭ دەرەكتەرى.
8. وبلىستىڭ جەرگىلىكتى اتقارۋشى ورگانى اۋدانداردىڭ اكىمدىكتەرىمەن بىرلەسىپ, وسى ادىستەمەنى باسشىلىققا الا وتىرىپ, وبلىستىڭ تاەم تىزبەسىن انىقتايدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 17 قاراشادا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8821 بولىپ ەنگىزىلدى.
