يۋنيسەف پەن ددۇ-نىڭ سوڭعى ونجىلدىقتاعى دالەلدى زەرتتەۋلەرىنىڭ دەرەكتەرى كورسەتكەندەي, جۇكتى ايەلدىڭ تاماقتانۋى, بالانىڭ تۋىلعاننان باستاپ 5 جاسقا دەيىنگى تاماقتانۋى سەمىزدىك پەن ارتىق سالماقتىڭ قاۋىپى فاكتورلارىن انىقتايدى. 2 جاسقا دەيىنگى بالالاردىڭ 21%-ى تاماقتانعاندا جەمىستەر مەن كوكونىستەردى جەمەيدى.
قازاقستاندىق بالالاردىڭ جارتىسىنا جۋىعى ءتاتتى كالوريالى سۋسىنداردى تۇتىنادى. مەكتەپ جاسىنداعى بالالار, قۇرامىندا قانت بار سالقىن شىرىنداردى ۇنەمى پايدالانادى, ولاردىڭ 49,7%-ى اپتا سايىن ءتاتتى سۋسىن ىشەدى. كۇنىنە ءۇش بالانىڭ بىرەۋى عانا جاڭا پىسكەن جەمىستەر مەن كوكونىستەردى تۇتىنادى.
تاماقتانۋ ادەتتەرىن قالىپتاستىرۋدا بالالار اگرەسسيۆتى تاماق ماركەتينگى ماڭىزدى ءرول اتقارادى. قازاقستاندىق تەلەارنالار ارقىلى ترانسلياتسيالاناتىن ءاربىر ءۇشىنشى جارنامالىق روليك كوبىنە بالا اعزاسىنا زياندى بولىپ تابىلاتىن تاماق ونىمدەرى مەن سۋسىنداردى جارنامالايدى.
قازاقستاندىق بالالاردىڭ 72,5%-ى كۇنىنە كەمىندە ءبىر ساعات تەلەديدار كورەدى نەمەسە زياندى تاماق ونىمدەرىن كورسەتەتىن ەلەكتروندىق قۇرىلعىلاردى پايدالانادى.
زەرتتەۋگە سايكەس, ددۇ قازاقستاندا جارنامالاناتىن ونىمدەر مەن سۋسىنداردىڭ تەك 20%-ى عانا حالىقارالىق ستاندارتتارعا سايكەس كەلەدى.
مامانداردىڭ ايتۋىنشا, دۇرىس تاماقتانۋدى قامتاماسىز ەتۋدە بالالاردىڭ اتا-انالارى ماڭىزدى ءرول اتقارادى. بۇل جاعدايدا بالانىڭ ءومىرىنىڭ العاشقى كۇندەرىنەن باستاپ دۇرىس تاماقتانۋدىڭ قۇندىلىعى مەن ماڭىزدىلىعى تۋرالى اتا-انالاردىڭ حاباردارلىعىن ارتتىرۋ ماڭىزدى.
قازاقستاننىڭ ايەلدەر كۇشتەرى اليانسى قازاقستانداعى بۇۇ بالالار قورىمەن (يۋنيسەف) ارىپتەستىكتە بالالاردىڭ تاماقتانۋىن جاقسارتۋ بويىنشا الەۋمەتتىك جوبانى ىسكە اسىرۋدى باستادى. وسى جوبا اياسىندا بالانىڭ دۇرىس تاماقتانۋى بويىنشا قازاق جانە ورىس تىلدەرىندە جادىناما, ارنايى رەتسەپتۋرالىق كىتاپ شىعارىلىپ, سونداي-اق اقپاراتتىق سيپاتتاعى بىرقاتار ءىس-شارالار اتقارىلادى.
بۇگىن بۇۇ بەكىتكەن دۇنيەجۇزىلىك بالالار كۇنىندە قازاقستاننىڭ قوعام بەلسەندىلەرى حالىقارالىق ساراپشىلارمەن بىرلەسىپ, بارلىق جاستاعى بالالار ءۇشىن تەك قانا ەمشەك سۇتىمەن قورەكتەندىرۋدەن باستاپ, سودان كەيىن بالاباقشالار مەن مەكتەپتەردە تەڭگەرىمدى تاماقتانۋ ءۇشىن مەملەكەتتىك تاماقتانۋ جۇيەسىن قۇرۋدىڭ ماڭىزدىلىعىن كوتەرەدى.
