وبلىستا جۇمىس ىستەپ تۇرعان 325 دارىحاناعا دەپارتامەنت تاراپىنان ۋاقتىلى مونيتوريگ جۇمىستارى جۇرگىزىلىپ تۇرادى. تەكسەرىس بارىسىندا وسى جىلدىڭ مامىر-تامىز ايلارى ارالىعىندا كوتەرمە ساۋدا قويمالارىنا باكتەرياعا قارسى پرەپاراتتاردىڭ 1 761 217 قورابى كەلىپ, ونىڭ 1 021 545-ءى ساتىلعانى انىقتالدى.
سپيكەردىڭ ايتۋىنشا, ساتىلعان ءدارىنىڭ بارلىعى – دارىگەردىڭ نۇسقاۋىمەن عانا بەرىلەتىن پرەپاراتتار. بيىل جازدا ايلاردا پاندەميا ءورشىپ, كوبىنە الەۋمەتتىك جەلىلەردە, عالامتوردا تاراعان ءتۇرلى ادىستەرمەن ەمدەلىپ ءجۇردى. بۇل – ۇلكەن قاتەلىك. وسى ورايدا جۋىردا عانا وبلىستىق اكىمدىكتە ءدارىحانالاردا دارىگەردىڭ نۇسقاۋىنسىز دارىلىك پرەپاراتتاردى ساتپاۋ تۋرالى جيىن وتكەن بولاتىن.
– بۇدان بىلاي ءدارىحانالاردا مامانداردىڭ رەتسەپتىسىز ەشقانداي پرەپارات بەرىلمەيدى. باسقاشا بولعان جاعدايدا مىندەتتى تۇردە دەپارتامەنتكە حابارلاسۋلارىڭىز قاجەت, – دەدى ر.قۇباتاەۆ.
دەنساۋلىق ساقتاۋ ءمينيسترىنىڭ 2017 جىلعى 29 تامىزداعى №666 بۇيرىعىنا سايكەس – 138 بەلگىلى ءبىر اۋرۋلارى (جاي-كۇيى) بار ازاماتتاردىڭ جەكەلەگەن ساناتتارىنىڭ تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە جانە مىندەتتى الەۋمەتتىك مەديتسينالىق ساقتاندىرۋ جۇيەسىندە دارىلىك زاتتار مەن مەديتسينالىق بۇيىمدار قامتاماسىز ەتىلۋدە. ونىڭ ىشىندە COVID-19 ينفەكتسياسىن ەمدەۋ ءۇشىن امبۋلاتوريالىق جاعدايدا تەگىن بەرىلەتىن دارىلىك زاتتار بار.
– ۆيرۋس ەشقاشان انتيبيوتيكپەن ەمدەلمەيدى. قايتا ءوزىڭىزدىڭ اعزاڭىزدىڭ ۆيرۋسقا قارسى تۇراتىن كۇشىن تومەندەتىپ, اۋىر جاعدايعا شالدىعۋدىڭ قاۋپى وتە جوعارى بولماق, – دەدى ر.قۇباتاەۆ.
دەنساۋلىق ساقتاۋ مينيسترلىگىنىڭ تاپسىرماسىنا سايكەس ماڭعىستاۋ وبلىسىنىڭ كوتەرمە قويمالارى مەن ءدارىحانالارىندا 41 اتاۋ بويىنشا دارىلىك زاتتاردىڭ بولۋىن قاداعالايتىن مونيتورينگ جۇرگىزىلەدى. وسى ورايدا ماماندار مەديتسينا قىزمەتكەرiنiڭ ارنايى زاڭنامادا بەلگىلەنگەن, دارiلiك زاتتاردى وتكiزۋ قاعيدالارىن جانە رەتسەپتەر جازىپ بەرۋ جونىندەگى تالاپتاردى بۇزعان جاعدايدا اكىمشىلىك جاۋاپكەرشىلىكتەر قاراستىرىلعانىن ەسكەرتەدى.
جالپى, دەپارتامەنتكە تىركەلمەگەن دارىلىك زاتتاردى ساتۋ, سونداي-اق بولشەك ساۋدا باعالارىنان اسىپ كەتۋ فاكتىلەرى بويىنشا 179 ءوتىنىش تۇسكەن بولسا, ونىڭ ىشىندە الەۋمەتتىك جەلىلەردەن كەلىپ تۇسكەن 95 شاعىم ماڭعىستاۋ وبلىسىنىڭ پوليتسيا دەپارتامەنتىنە جەدەل شارالار قابىلداۋ ءۇشىن جىبەرىلدى. ال مەملەكەتتىك ورگانداردان 71 شاعىم ءتۇسىپ, اتالعان ماتەريالدار بويىنشا 33 حاتتاما تولتىرىلعان جانە ەكى ءدارىحانا سوتتىڭ شەشىمىمەن 15-30 كۇنگە قىزمەتىن ۋاقىتشا توقتاتقان.
17 قاراشادان باستاپ دەپارتامەنت ماماندارىنىڭ جانە ماڭعىستاۋ وبلىسى اكىمدىگىنىڭ ەكونوميكالىق جانە بيۋدجەتتىك ءبولىمىنىڭ باسقارما ماماندارىمەن بىرگە تۇراقتاندىرۋ قورىنا بولىنگەن 300 ملن تەنگەگە ساتىپ الىنعان دارىلىك زاتتاردىڭ تىزىمگە سايكەستىگى جانە قالدىعىنا مونيتورينگ جۇرگىزىلۋدە. ماڭعىستاۋ وبلىسىندا كۆي ينفەكتسياسىن جانە سالدارىن ەمدەۋ ماقساتىندا دارىلىك زاتتاردىڭ تۇراقتاندىرۋ قورى جاساقتالىپ جاتىر. «كاسپي» اكك مەن «ادا-فارم اكتاۋ» جشس, «فايز-2016» جشس جانە جەكە كاسىپكەر ج.يسكاكوۆا سياقتى ماڭعىستاۋ وبلىسىنىڭ كاسىپكەرلەرى اراسىندا 300 ملن تەڭگەگە كەلىسىم جاسالدى. بۇگىندە «ادا-فارم اقتاۋ» جشس 128 ملن تەڭگەگە ءدارى-دارمەكتەر ساتىپ الدى. «فايز-2016» سەرىكتەستىگى 100 ملن تەڭگەگە, جەكە كاسىپكەر ج.يسكاكوۆا 50 ملن تەڭگەگە انتيبيوتيكتەر, دارۋمەندەر, ۆيرۋسقا قارسى, قىزۋ تۇسىرەتىن, قان سۇيىلتاتىن, گورموندىق دارىلىك زاتتار الدى.
ر.قۇباتاەۆتىڭ ايتۋىنشا, كۆي مەن ونىڭ سالدارىن ەمدەۋگە ارنالعان ءدارى-دارمەكتەرمەن حالىقتى قامتاماسىز ەتۋ ءۇشىن بىرىڭعاي ديستريبيۋتور «سك –فارماتسياعا» 30 ملن تەڭگەگە قان سۇيىلتاتىن, گورموندىق ءدارى-دارمەكتەر, انتيبيوتيكتەر, ۆيرۋسقا قارسى پرەپاراتتار ساتىپ الىندى جانە قوسىمشا 200 ملن تەڭگەگە سۇرانىس بەرىلدى. سونىمەن قاتار ءدارى تاپشىلىعىن بولدىرماۋ ماقساتىندا كاسىپكەرلەر دارىلىك زاتتاردى ءبىر رەتتىك ەنگىزۋگە ليتسەنزيا الىپ, ءوز قاراجاتىنا دا اكەلۋدە. دەپارتامەنت دارىلىك زاتتاردىڭ قالدىقتارىن, شەكتى باعادان اسپاۋىن, قورعانىس قۇرالدارىن كوتەرمە جانە بولشەك ساۋدا جەلىسىندە كۇندەلىكتى تەلەفون ارقىلى باقىلاۋدا.
قازىر ماڭعىستاۋ وبلىسىندا كوتەرمە ساۋدادا 659 مىڭ مەديتسينالىق بەتپەردە, بولشەك ساۋدادا 469 مىڭ مەديتسينالىق بەتپەردە, بولشەك جانە كوتەرمە جەلىلەردە 35 243 جۇپ مەديتسينالىق قولعاپ بار. دارىلىك زاتتاردىڭ قاجەتتىلىگى كوميسسيا وتىرىسىندا اپتا سايىن تالقىلانادى. دارىلىك زاتتار الۋعا قوسىمشا 150 ملن تەڭگە قارجى بولىنبەك.
– قازىر – كۇزدىڭ كەزى, تۇماۋدىڭ كۇشەيەتىن ۋاقىتى. وسى كەزدە جاي تۇماۋعا ما, الدە كوروناۆيرۋسقا شالدىقتىڭ با, بىلمەي قالاسىڭ. سول سەبەپتى ەگەر سالقىن تيسە, بىردەن ەمحاناعا حابارلاسىپ, الدىن العان جاقسى. ءوزىڭىزدىڭ, وتباسىڭىزدىڭ, جاقىندارىڭىزدىڭ دەنساۋلىعىنا مۇقيات بولىڭىز. مىندەتتى تۇردە وقشاۋلانىپ, ءجيى-ءجيى بولمەنىڭ اۋاسىن تازارتىپ تۇرىڭىز, –دەدى ر. قۇباتاەۆ.
سونداي-اق ول «Dari.kz» موبيلدىك قوسىمشا ىسكە قوسۋلى تۇرعانىن, اتالعان قوسىمشادا مەملەكەتتىك تىركەۋدەن وتكەن 7 مىڭ دارىلىك پرەپاراتتاردىڭ ءتىزىمى مەن باعاسى دا كورسەتىلگەنىن اتاپ ءوتتى.
ءباسپاسوز كونفەرەنتسياسىندا «PHARMA PLUS AKTAU» جشس ديرەكتورى گۇلنار مۋسينا دا قاتىستى. ونىڭ مالىمەتىنشە, بيىل جازدا دارىلەر دە, قورعانىش زاتتارى دا جەتكىلىكتى بولدى. الايدا تۇرعىندار ءبىر كەلگەندە دارىلەردى تولتىرىپ ساتىپ الىپ ءجۇردى. وسى سەبەپتى كوپتەگەن پرەپاراتتىڭ تاپشىلىعى بايقالا باستادى.
– قازىر ءدارىحانالاردا ءدارى جەتكىلىكتى. ۇيىمىزگە تولتىرىپ الامىز دەپ الەكتەنبەسەڭىزدەر بولادى. ويتكەنى جەرگىلىكتى فيرمالارىمىزدا دا, قويمالارىمىزدا دا دارىلەر تولىق. ەشقانداي قورقىنىش, ۋايىم بولماسىن, – دەدى گ.مۋسينا.
سونىمەن ماڭعىستاۋدا ءدارى-دارمەك پەن قورعانىش قۇرالدارى قورى جەتكىلىكتى دەلىنەدى. بىراق ىندەتتىڭ قارقىنى قالاي بولارىن ەشكىم بىلمەيدى.
ماڭعىستاۋ وبلىسى
