ايماقتار • 19 قاراشا، 2020

سارقانداعى ءسۇت زاۋىتى 15 ءتۇرلى ءونىم شىعارادى

18 رەت كورسەتىلدى

سارقان اۋدانىنداعى "اقبۇلاق-پرودۋكت" ءسۇت زاۋىتى 2008 جىلى قايتا جاڭعىرتىلىپ، سودان بەرى وتاندىق نارىقتا تابىستى ەڭبەك ەتىپ كەلە جاتقاندارىنا 13 جىل بولدى. العاشىندا تاۋلىگىنە  30 تونناداي شيكىزات وڭدەسە، قازىر بۇل كورسەتكىش 80 توننادان اسىپ، ءسۇت ونىمدەرىنىڭ 15 ءتۇرى شىعارىلادى، دەپ حابارلايدى Egemen.kz

سارقان اۋداندىق اكىمدىگىنىڭ مالىمەتىنە سۇيەنسەك، زاۋىت پاستەرلەنگەن تابيعي ءسۇت، شالاپ، قۇرت، سارى ماي، قايماق، ايران مەن ىرىمشىكتىڭ بىرنەشە ءتۇرىن وندىرەدى.

زاۋىت ديرەكتورى باۋىرجان قاليمولدانوۆتىڭ ايتۋىنشا، مەملەكەت قولداۋىنىڭ ارقاسىندا 2008 جىلى زاۋىت قايتا ىسكە قوسىلعان. "ەڭ الدىمەن زاۋىتتى تالاپقا سايكەس قايتا جاڭعىرتۋدان وتكىزىپ، جاڭا قۇرال-جابدىقتار ساتىپ الدىق. العاشىندا ءسۇت ءونىمىنىڭ 3 ءتۇرىن شىعارۋدان باستاساق، قازىر ونىڭ سانى ون بەستەن استى. مەملەكەت قولداۋىن ءالى دە سەزىنىپ كەلەمىز. بيىلعى جىلى سۇتكە، سارى مايعا جانە قاتتى ىرىمشىككە 80 ملن. تەڭگە سۋبسيديا بەرىلدى. سونىڭ ارقاسىندا بيىل زاۋىتقا 17 ملن. تەڭگە تۇراتىن كومپرەسسور ساتىپ الدىق. قاجەتتى قوندىرعىلار رەسەي مەن قىتايدان اكەلىندى. تاۋارلارىمىز ءوز اۋدانىمىزدان باسقا وبلىستىڭ بىرنەشە اۋداندارىنا جانە الماتى قالاسىنا تاسىمالدانادى"، دەدى زاۋىت ديرەكتورى باۋىرجان قاليمولدانوۆ.

كاسىپورىندى كەڭەيتۋگە قاتىستى الداعى جوسپارىمەن بولىسكەن ب. قاليمولدانوۆ زاۋىتتى شيكىزاتپەن قامتۋ ءۇشىن اسىل تۇقىمدى سيىر ۇستايتىن ارنايى كەشەن سالىناتىنىن ايتتى. قازىر ءسۇت جەتكىلىكتى كولەمدە جەرگىلىكتى تۇرعىنداردان جينالىپ، ءتيىستى وڭدەۋدەن وتكىزىلۋدە. سول سياقتى الداعى ۋاقىتتا ءتاتتى يوگۋرت ءوندىرۋ دە جوسپاردا بار.  تۇتىنۋشىلاردىڭ اسىرەسە، زاۋىتتىڭ سارى مايى مەن گوللاند ىرىمشىگىنە دەگەن سۇرانىسى جوعارى.

بۇگىندە زاۋىتتا 67 ادام جۇمىس ىستەيدى. بيىلعى جىلى مۇندا 12 جاس مامان تۇراقتى جۇمىسقا تۇرعان. ورتاشا جالاقىلارى 100 مىڭ تەڭگە شاماسىندا.

ەسكە سالساق، پرەزيدەنتتىڭ اگروونەركاسىپتىك كەشەندى دامىتۋ تۋرالى تاپسىرماسىنا سايكەس الماتى وبلىسىندا اۋىل شارۋاشىلىعىندا ءتورت نەگىزگى ستراتەگيالىق ماقسات بەلگىلەنگەن. ولار – ەت پەن ءسۇت ءوندىرىسىن ارتتىرۋ، اۋىل شارۋاشىلىعى ونىمدەرىن وڭدەۋ مەن يرريگاتسيالىق جۇيەلەردى قالپىنا كەلتىرۋ. وڭىردە ءىرى قارا مال باسى 1،3 ميلليوننان، ال قوي مەن ەشكى 4،2 ملن. باستان استى. ءسۇتتى مال شارۋاشىلىعىن دامىتۋ ماقساتىندا 26 مىڭ باسقا ارنالعان 82 تاۋارلى-ءسۇت فەرماسى قۇرىلعان. وبلىس 2025 جىلعا دەيىن ەت ءوندىرىسىن 500 مىڭ تونناعا، ءسۇت ءوندىرىسىن 900 مىڭ تونناعا دەيىن جەتكىزىپ، اۋىل شارۋاشىلىعى ونىمدەرىن وڭدەۋ بويىنشا 25 جوبانى جۇزەگە اسىرۋدى جوسپارلاپ وتىر.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

ۇقساس جاڭالىقتار