«جوبا «رۋحاني جاڭعىرۋ» باعدارلاماسى شەڭبەرىندە جۇزەگە اسىرىلادى جانە الەۋمەتتىك بەيىمدەلۋگە, كۋرستاردا داعدىلاردى الۋعا جانە تۇراقتى جۇمىسپەن قامتاماسىز ەتۋگە باعىتتالۋى ءتيىس. جاھاندانۋ جاعدايىندا قازىرگى زامانعى سانالى ۇرپاقتى قالىپتاستىرۋ جانە جەكە تۇلعانى تاربيەلەۋ – بۇگىنگى كۇننىڭ باستى مىندەتتەرىنىڭ ءبىرى», دەدى «قوعام جانە مەملەكەت: سەرىكتەستىك پەن دامۋدىڭ 30 جىلى اتتى «Birgemiz» IX ازاماتتىق فورۋمى كەزىندە نۇر-سۇلتان قالاسى اكىمىنىڭ ورىنباسارى باقتيار ماكەن.
بۇگىندە ەلوردادا بىرنەشە ۇكىمەتتىك ەمەس ۇيىم قازاقتىڭ ءداستۇرلى قولونەرىن جانداندىرۋ باعىتىندا جۇمىس ىستەيدى. «استانا-بەرەكە», «پۋت ماستەرستۆا» سىندى بىرلەستىكتەر ەلوردا مەكتەپتەرىنىڭ وقۋشىلارى ءۇشىن قولونەرمەن اينالىساتىن اقىسىز ۇيىرمەلەر وتكىزەدى. سونداي-اق كوپ بالالى انالار, ەرەكشە قاجەتتىلىكتەرى بار بالالار, از قامتىلعان وتباسىلاردان شىققان ادامدار قولونەردى اقىسىز نەگىزدە وقيدى. ولار ماتامەن جانە اعاشپەن, زەرگەرلىك بۇيىمدارمەن جۇمىس جاساۋدى ۇيرەنەدى.
