"قازپوچتا" اق ماڭعىستاۋ وبلىستىق فيليالىنىڭ ديرەكتورى د.ۋتەباليەۆا قۇتتىقتاپ, بيىلعى جازىلىم جۇمىسىنا ساتتىلىك تىلەدى.
"ويلارىڭىزدا جۇرگەن ماسەلەلەرمەن ءبولىسىپ, پىكىر الىسۋعا ۇلكەن مۇمكىندىك تۋىپ وتىر. گازەت – ءومىر ايناسى. وبلىسىمىزدىڭ, قالامىزدىڭ كۇندەلىكتى ءومىرى وسى گازەت بەتتەرىندە جاريالانىپ, حالىققا تارايدى. قازىر ينتەرنەت دامىعان زامان بولسا دا, گازەت-جۋرنالدىڭ جاس ۇرپاقتى تاربيەلەۋدە ماڭىزى زور. سوندىقتان, گازەت-جۋرنالعا جازىلىڭىزدار جانە جازىلۋدى جارنامالاڭىزدار", دەگەن شارانى ۇيىمداستىرۋشىلار شارا بارىسىندا مەيىرىمدىلىك اكتسياسىن وتكىزدى.
زالعا ورناتىلعان "مەيىرىم اعاشىنا" ءار جۇرەكشەگە "بالالار ءۇيىنىڭ" تاربيەلەنۋشىسىنىڭ اتى-ءجونى, جاس مولشەرى جازىلىپ ءىلىنىپ, شاراعا قاتىسۋشىلار سول بالالاردى گازەت-جۋرنالعا جازدىردى.
كەزدەسۋدە "قازپوچتا" اق ماڭعىستاۋ وبلىستىق فيليالىنا ەڭبەگى سىڭگەن ارداگەر ق.بيتانوۆا, جىل سايىن گازەت-جۋرنالدى ۇزبەي الىپ وقيتىن وقىرماندار - ءا.قونارباەۆ, ق.سدىقوۆ, ن.فرۋمينا, ن.رەۋتوۆ, ت.بەكقالي ۇلى, ج. مىرزاقۇلوۆ قاتىسىپ, قۇتتىقتاۋلارىن جەتكىزدى.
ءان-مەن جىر اقتارىلعان شارادا ارداگەرلەر مەن قوناقتارعا ارانيى سىي-سياپات بەرىلىپ, 2020 جىلدىڭ 10 ايىنىڭ قورىتىندىسىنا سايكەس ءوز جۇمىستارىنا ۇلكەن جاۋاپكەرشىلىكپەن قاراپ, باسقالارعا ۇلگى بولىپ جۇرگەن ر. ابدۋراحمانوۆا, ر.بەكەشوۆا, ءا.ايجازىقوۆا, ر.ەربۋلەكوۆا, ر.ومىرباەۆا پوشتا قىزمەتكەرلەرىنە العىس حاتتار تابىستالدى. سونداي-اق بيىل باسپاسوزگە جازىلۋ كامپانياسى 5 قازاندا باستالىسىمەن, ماڭعىستاۋ وبلىسىندا ەڭ ءبىرىنشى بولىپ, "زاڭ جانە زامان" جۋرنالىنا جازىلعان ماڭعىستاۋ وبلىسى قاجد باسشىسىنىڭ ورىنباسارى, زاڭ عىلىمدارىنىڭ ماگيسترى, ادىلەت پودپولكوۆنيگى جارىلعاپوۆ قانات شاماردان ۇلى جانە ميحايلوا زينايدا الىس حاتپەن ماراپاتتالدى.
شارادا مەرەكەگە وراي, قىزىقتى گازەت-جۋرنالدار, فيلاتەليستىك ونىمدەر- كوللەكتسيالىق ماركالار ساتتىققا شىعارىلىپ, لوتەرەيا ويىندارى ويناتىلىپ, "قازپوچتا" اق ۇسىناتىن جاڭا قىزمەت تۇرلەرى تانىستىرىلدى.
ماڭعىستاۋ وبلىسى
