استاناداعى س.سەيفۋللين اتىنداعى قازاقاگروتەحنيكالىق ۋنيۆەرسيتەتىندە تۇڭعىش پرەزيدەنت كۇنى مەرەكەسىنە وراي وسى ۋنيۆەرسيتەتتىڭ «جاستۇلەك» شىعارماشىل جاستار كلۋبى مۇشەلەرىنىڭ «وتان دەپ سوعار جۇرەگىم» اتتى جيناعىنىڭ تۇساۋكەسەر ءوتتى. اتالعان شاراعا قازاقستان جازۋشىلار وداعىنىڭ توراعاسى, پارلامەنت سەناتىنىڭ دەپۋتاتى نۇرلان ورازالين مەن ۋنيۆەرسيتەت رەكتورى اقىلبەك كۇرىشباەۆ قاتىستى. استاناداعى س.سەيفۋللين اتىنداعى قازاقاگروتەحنيكالىق ۋنيۆەرسيتەتىندە تۇڭعىش پرەزيدەنت كۇنى مەرەكەسىنە وراي وسى ۋنيۆەرسيتەتتىڭ «جاستۇلەك» شىعارماشىل جاستار كلۋبى مۇشەلەرىنىڭ «وتان دەپ سوعار جۇرەگىم» اتتى جيناعىنىڭ تۇساۋكەسەر ءوتتى.
استاناداعى س.سەيفۋللين اتىنداعى قازاقاگروتەحنيكالىق ۋنيۆەرسيتەتىندە تۇڭعىش پرەزيدەنت كۇنى مەرەكەسىنە وراي وسى ۋنيۆەرسيتەتتىڭ «جاستۇلەك» شىعارماشىل جاستار كلۋبى مۇشەلەرىنىڭ «وتان دەپ سوعار جۇرەگىم» اتتى جيناعىنىڭ تۇساۋكەسەر ءوتتى. اتالعان شاراعا قازاقستان جازۋشىلار وداعىنىڭ توراعاسى, پارلامەنت سەناتىنىڭ دەپۋتاتى نۇرلان ورازالين مەن ۋنيۆەرسيتەت رەكتورى اقىلبەك كۇرىشباەۆ قاتىستى.
«الداعى كەلە جاتقان تۇڭعىش پرەزيدەنت كۇنى مەرەكەسىنىڭ جاڭا ومىرگە قادام باسقان جاس مەملەكەتىمىز ءۇشىن ورنى ەرەكشە, تاريحي ماڭىزى زور. نۇرسۇلتان نازارباەۆ مەملەكەتتىڭ تىزگىنىن تاريحتىڭ الماعايىپ, سىناقتى كەزەڭىندە قولىنا الدى. تاعدىر وعان تاۋەلسىز مەملەكەتتى قۇرىپ, ەركىن ەلدىڭ كوشىن باستاۋدى بۇيىرتتى. ول بولسا, مۇمكىن ەمەستى جاسادى. ەلباسىنىڭ «قازاقستان-2050» ستراتەگياسىندا باياندالعان باسىمدىقتار دامىعان 30 ەلدىڭ قاتارىنا باعىت سىلتەيتىن باعدارشام بولۋى ءتيىس دەپ ويلايمىن», دەدى ا.كۇرىشباەۆ ءوزىنىڭ كىرىسپە سوزىندە.
شارادا ستۋدەنتتەر الدىندا ءسوز العان سەناتور ن.ورازالين ايتۋلى مەرەكەگە وراي وتكەنگە شەگىنىس جاساپ, تاۋەلسىزدىكتىڭ العاشقى جىلدارىندا قالام ۇستاعان قاۋىممەن ەلباسىمەن شەتەلدەرگە بىرگە ساپار شەككەندە ونىڭ كەمەڭگەرلىگىنىڭ سان مارتە كۋاسى بولعانىن ايتتى. سونداي-اق, ول تۇساۋكەسەردە تەبىرەنە ولەڭ وقىعان ءبىر توپ جاسقا شەكسىز ريزاشىلىعىن ءبىلدىردى. ەلدىڭ بىرتۇتاستىعى ونىڭ انا تىلىنە دەگەن قۇرمەتىنەن باستالاتىندىعىن دا اقىن نازاردان تىس قالدىرمادى. ستۋدەنت كەزدەگى جيعان ءبىلىمىڭ, ءومىر بويعى ازىقتارىڭ دەپ جاستارعا ساپالى ءبىلىم الۋدىڭ ماڭىزى ەرەكشە ەكەنىنە توقتالدى.
جالپى سانى 35 جاس ستۋدەنت اقىن-جازۋشىلار مەن بەينەلەۋ ونەرى شەبەرلەرىنىڭ ءتول تۋىندىلارى توپتاستىرىلعان بۇل جيناق مىڭ دانامەن وقىرماندارىنا جول تارتىپ وتىر. سونىمەن بىرگە, بۇگىنگى سۇرانىسقا سايكەس كىتاپتىڭ ەلەكتروندى نۇسقاسى دا جاسالىپتى.
شارا بارىسىندا ساۋلەت ونەرى فاكۋلتەتى ستۋدەنتتەرى قىلقالام شەبەرلەرىنىڭ «وتانىم ساعان ارنالادى» اتتى سۋرەت كورمەسى دە جۇرتشىلىق نازارىنا ۇسىنىلدى.
ءابدىراحمان قىدىربەك,
«ەگەمەن قازاقستان».
