دەبات اياقتالىسىمەن دەلەگاتتار داۋىس بەرۋ كابينالارىنا بارىپ, قازاقستان رەسپۋبليكاسى پارلامەنتى ماجىلىسىنە پارتيالىق تىزىمگە قاتىسۋشى كانديداتتارعا داۋىس بەردى.
باتىس قازاقستان وبلىستىق «Nur Otan» پارتياسى وبلىستىق فيليالى توراعاسىنىڭ ءبىرىنشى ورىنباسارى مۇرات مۇقاەۆتىڭ ايتۋىنشا, كونفەرەنتسيانىڭ بارلىق دەلەگاتى داۋىس بەرۋگە قاتىسقان.
داۋىس بەرۋ ناتيجەسىندە ەڭ جوعارى داۋىس جيناعان ءۇش كانديدات كونفەرەنتسيا شەشىمىمەن قازاقستان رەسپۋبليكاسى پارلامەنتى ءماجىلىسىنىڭ وڭىرلىك كۆوتاسىنا سايكەس پارتيالىق تىزىمگە ەنگىزۋ ءۇشىن سەزگە ۇسىنىلدى.
ۇزدىك ۇشتىك – 120 داۋىس جيناعان مالىك قۇلشار, 116 داۋىس يەسى – جاڭابەك جاقسىعاليەۆ, 109 داۋىس – ءسابيرا سۇندەتوۆا.
كونفەرەنتسيا بارىسىندا «Nur Otan» پارتياسىنان باتىس قازاقستان وبلىستىق ءماسليحاتىنىڭ دەپۋتاتتارىن سايلاۋ بويىنشا پارتيالىق ءتىزىم بەكىتىلدى. پارتيالىق تىزىمگە ەنگىزىلگەن 47 ادامنىڭ كانديداتۋراسىن كونفەرەنتسيا دەلەگاتتارى ءبىر اۋىزدان قولدادى.
بۇدان كەيىن بيىلعى 25-قاراشادا قازاقستان رەسپۋبليكاسىنىڭ تۇڭعىش پرەزيدەنتى - ەلباسى, پارتيا توراعاسى نۇرسۇلتان ءابىش ۇلى نازارباەۆتىڭ قاتىسۋىمەن وتەتىن «Nur Otan» پارتياسىنىڭ كەزەكتەن تىس حح سەزىنە قاتىساتىن باتىسقازاقستاندىق 20 دەلەگاتتىڭ ءتىزىمى انىقتالدى.
كونفەرەنتسيا بارىسىندا «Nur Otan» پارتياسى بقو فيليالى ساياسي كەڭەسىنىڭ جاڭا قۇرامى سايلاندى. قر پارلامەنتى ءماجىلىسى مەن بارلىق دەڭگەيدەگى ءماسليحاتتار سايلاۋىندا پارتيانىڭ ۇگىت جۇمىستارىن ۇيىمداستىرۋ بويىنشا وبلىستىق, قالالىق, اۋداندىق سايلاۋالدى شتابتارىنىڭ قۇرامى جاساقتالدى.
«Nur Otan» پارتياسىنىڭ وبلىستىق فيليالى توراعاسى عالي ەسقاليەۆتىڭ ۇيعارىمىمەن وبلىستىق سايلاۋالدى شتابىنىڭ باسشىسى رەتىندە فيليال توراعاسىنىڭ ءبىرىنشى ورىنباسارى مۇرات مۇقاەۆ بەكىتىلدى.
