2020 جىلعى 12-17 قاراشا ارالىعىندا گۇلستان (وزبەكستان رەسپۋبليكاسى) قازاقستان-وزبەكستان بىرلەسكەن دەماركاتسيالىق كوميسسياسىنداعى قازاقستان رەسپۋبليكاسى مەن وزبەكستان رەسپۋبليكاسى ۇكىمەتتىك دەلەگاتسيالارىنىڭ وتىرىسى ءوتتى.
كوميسسيا وزبەكستان رەسپۋبليكاسىنىڭ قاراقالپاقستانمەن شەكتەس قازاقستان رەسپۋبليكاسىنىڭ ماڭعىستاۋ وبلىسى شەگىندەگى ۋچاسكەگە مەملەكەتتىك شەكارانى دەماركاتسيالاۋدىڭ قورىتىندى قۇجاتتارىنىڭ جوبالارىن دايىنداۋدى جالعاستىردى.
كوميسسيا وتىرىسى بارىسىندا 2020 جىلعى مامىردا ساردوبا سۋ قويماسى بوگەتىنىڭ بۇزىلۋى سەبەبىنەن ب ۇلىنگەن شەكارالىق باعانالاردى قالپىنا كەلتىرۋ ماقساتىندا وزبەكستان رەسپۋبليكاسىنىڭ سىرداريا جانە جيزاق وبلىستارىمەن شەكتەس قازاقستان رەسپۋبليكاسىنىڭ تۇركىستان وبلىسى شەگىندەگى قازاقستان-وزبەكستان مەملەكەتتىك شەكاراسىنىڭ جەكەلەگەن ۋچاسكەلەرىن دالالىق زەرتتەۋ جۇزەگە اسىرىلدى.
كەلىسسوزدەر دوستىق جانە سىندارلى جاعدايىندا ءوتتى.
كەلەسى وتىرىس قازاقستان رەسپۋبليكاسىندا 2020 جىلدىڭ جەلتوقسان ايىندا جوسپارلانعان.
