شىعىس قازاقستان وبلىسى توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, 17 قاراشا كۇنى ساعات 11.29-دا كۇرشىم اۋىلىنداعى بۋنتوۆسكيح كوشەسىندە ورنالاسقان تەحنيكالىق قىزمەت كورسەتۋ ستانساسىن قىزىل جالىن شارپىدى.
"شاتىردىڭ اعاش قۇرىلىمدارى ورتەنگەن. وقيعا ورنىنا دەرەۋ جەتكەن ءورت سوندىرۋشىلەر جالپى اۋماعى 130 شارشى مەتردى قۇراعان ءتىلسىز جاۋدى اۋىزدىقتادى. الدىن الا مالىمەت بويىنشا وتتىڭ شىعۋ سەبەبى – ەلەكتر جابدىقتارىن ورناتۋ جانە پايدالانۋ كەزىندە ءورت قاۋىپسىزدىگى ەرەجەلەرىن ساقتاماۋدان بولۋى مۇمكىن", دەپ حابارلادى ۆەدومستۆو وكىلدەرى.
جالىندى وشىرۋگە جەكە قۇرامنان 14 ادام مەن 2 تەحنيكا جۇمىلدىرىلعان.
