«ازاماتتارعا ارنالعان ۇكىمەتتىڭ» الەۋمەتتىك-ەڭبەك سالاسى بويىنشا قىزمەت كورسەتەتىن 1411 بىرىڭعاي بايلانىس ورتالىعىنا ەڭ كوپ قويىلعان ساۋال – 42 500 تەڭگە الەۋمەتتىك تولەمىنە بايلانىستى بولىپتى. بۇل سۇراقپەن حابارلاسقاندار سانى 400 مىڭنان اسقان. زەينەتاقى جانە الەۋمەتتىك قامسىزداندىرۋعا قاتىستى 356 مىڭنان استام تۇرعىن, الەۋمەتتىك مەكەنجاي كومەگى تۋرالى 50 مىڭنان استام ادام تەلەفون شالعان.
ال باتىس قازاقستان وبلىسىندا دا «ازاماتتارعا ارنالعان ۇكىمەت» الەۋمەتتىك بلوگىنىڭ ونلاين قىزمەتتەرىنە تۇرعىندار ءجيى جۇگىنەدى ەكەن. ماسەلەن بالانىڭ تۋى مەن ءبىر جاسقا دەيىنگى كۇتىمىنە قاتىستى جاردەماقى تاعايىنداۋ ءۇشىن – 9908 ادام, ءبىر جاسقا دەيىنگى بالا كۇتىمىنە وراي تابىسىنان ايرىلعان جاعدايدا تاعايىندالاتىن الەۋمەتتىك تولەم جونىندە – 8225, جۇكتىلىككە جانە بوسانۋعا بايلانىستى الەۋمەتتىك تولەم حاقىندا – 5598 باتىسقازاقستاندىق بايلانىس ورتالىعىنا حابارلاسقان.
باتىس قازاقستان
