كەزەكتەن تىس كونفەرەنتسياعا وكىلەتتىلىك نورماسىنا سايكەس سايلانعان 128 دەلەگاتتىڭ 124-ءى قاتىسىپ جاتىر. كونفەرەنتسيانىڭ كۇن تارتىبىندە «Nur Otan» پارتياسىنىڭ باتىس قازاقستان وبلىسى بويىنشا سايلاۋالدى باعدارلاماسىن بەكىتۋ, قازاقستان رەسپۋبليكاسى پارلامەنتىنىڭ ماجىلىسىنە دەبات قورىتىندىسى بويىنشا كانديداتتارعا داۋىس بەرۋ ماسەلەلەرى قارالماق. سونىمەن قاتار «Nur Otan» پارتياسىنان وبلىستىق ءماسليحات دەپۋتاتتارىن سايلاۋ بويىنشا پارتيالىق ءتىزىمدى بەكىتۋ, اتالعان پارتيانىڭ كەزەكتەن تىس حح سەزىنە دەلەگاتتاردى سايلاۋ مەن وزگە دە ماسەلەلەر كونفەرەنتسيانىڭ كۇن تارتىبىنە ەنگەن.
- ەلىمىزدىڭ تۇڭعىش پرەزيدەنتى - ەلباسىمىز نۇرسۇلتان ءابىش ۇلى نازارباەۆتىڭ باستاماسىمەن تاۋەلسىز ەلىمىزدىڭ تاريحىندا بيىل العاش رەت جالپى ۇلتتىق دەڭگەيدە وتكەن پرايمەريزگە كوزى اشىق, كوكىرەگى وياۋ, ساناسى بيىك, وزىندىك يدەياسى بار, جاڭا كوزقاراستاعى ازاماتتار قاتىستى دەپ ويلايمىن. پارتياىشىلىك ىرىكتەۋ – بارشا قاتىسۋشىعا تەڭ مۇمكىندىك بەردى. پرايمەريزگە كاسىپكەرلەر, ۇستازدار, دارىگەرلەر, قۇرىلىسشىلار, ۇكىمەتتىك ەمەس ۇيىم, بۇقارالىق اقپارات قۇرالدارى سەكىلدى ءتۇرلى سالانىڭ ماماندارى مەن وكىلدەرى قاتىستى. اسىرەسە جاستار مەن ايەل ادامداردىڭ بەلسەندىلىگىن اتاپ وتكەن ابزال, - دەدى وبلىس اكىمى, فيليال توراعاسى عالي ەسقاليەۆ.
باتىس قازاقستان وبلىسى بويىنشا پرايمەريزدە 460 كانديدات تىركەلىپ, 421 كانديدات قاتىسقان. ونىڭ ىشىندە 155-ءى (36,8%) – ايەل, 144-ءى (34,2 %) – 35 جاسقا دەيىنگى جاستار بولعان. ءتورت كۇنگە سوزىلعان داۋىس بەرۋدە وبلىستا تۇراتىن پارتيا مۇشەلەرىنىڭ 85%-ى, ياعني 22 903 ادام قاتىسىپ, تاڭداۋ جاساپتى. وسى ارالىقتا وبلىس تۇرعىندارىنان 1205 ۇسىنىس ءتۇسىپ, ونىڭ 77%-ى وبلىس, قالا مەن اۋداندىق پارتيا فيليالدارىنىڭ سايلاۋالدى باعدارلاماسىنا ەنگىزىلگەن.
باتىس قازاقستان
