"16 قاراشاداعى ەپيدەميولوگيالىق جاعدايدى باعالاۋ ماتريتساسىنا سايكەس رەسپۋبليكا سارى ايماقتا تۇر", دەدى ا. تسوي. شىعىس قازاقستان جانە سولتۇستىك قازاقستان وبلىسى ينفەكتسيا تارالۋ قاۋپى جوعارى قىزىل ايماقتا تۇر.
ورتاشا قاۋىپتى سارى ايماقتا - پاۆلودار, اقمولا, قوستاناي وبلىستارى, نۇر-سۇلتان جانە الماتى قالالارى. قالعان ءوڭىر سالىستىرمالى تۇردە ينفەكتسيانىڭ تارالۋ قاۋپى تومەن جاسىل ايماقتا.
ءمينيستردىڭ ايتۋىنشا, كۆي-گە شالدىققاندار سانى ارتقان جاعدايدا, حالىققا ساپالى جانە ۋاقتىلى كومەك كورسەتۋ ءۇشىن مەديتسينالىق ۇيىمدار 71 مىڭ توسەك-ورىن دايىنداپ وتىر. قازىر ينفەكتسيالىق توسەك-ورىننىڭ 21% جانە رەانيماتسيانىڭ 17%-دا پاتسيەنت بار.
ازاماتتارعا ۇيدە مەديتسينالىق كومەك كورسەتۋ ءۇشىن كوشپەلى ءموبيلدى بريگادالار دايىندالدى. ءموبيلدى بريگادالار بيىل شىلدەدەن بەرى 280 مىڭنان استام قىزمەت كورسەتكەن.
"شىلدە ايىمەن سالىستىرعاندا قازىر جەدەل مەديتسينالىق كومەك شاقىرۋشىلار سانى 43,8%, ال كۆي بويىنشا - 79% تومەندەدى", دەدى ا. تسوي.
ونىڭ ايتۋىنشا, كۆي-مەن اۋىراتىن ناۋقاستارعا كونسۋلتاتسيالىق كومەك كورسەتۋ ءۇشىن وڭىرلىك جانە رەسپۋبليكالىق ساراپتامالىق توپتار قۇرىلدى, وڭىرلىك Call-ورتالىقتاردىڭ جانە 1406 بىرىڭعاي بايلانىس ورتالىعىنىڭ جۇمىسى كۇشەيتىلدى.
