ونىڭ ايتۋىنشا ينفەكتسيانىڭ قايتا جۇعۋى مەن دەرتتىڭ اۋىر-جەڭىل ءوتۋىنىڭ ەڭ باستى فاكتورى -يممۋندىق جۇيەنىڭ بەلسەندىلىگى مەن اۋرۋعا قارسى تۇرۋ قابىلەتىنە قاتىستى. شۆەد زەرتەۋشىلەرى قايتالاپ اۋىرعان 150 ادامدى ەمدەۋ ناتيجەسىندە جيناقتالعان تاجىريبەمەن بولىسە وتىرا، ءبىرىنشى جۇققان كەزدە اۋرۋدان ايىعۋ بارىسى قالاي ءوتۋىنىڭ ماڭىزدى ەكەنىندىگىنە توقتالعان. العاشقىدان گورى ەكىنشى اۋىرعاندا ۆيرۋستىڭ اعزاداعى ورگاندارعا تيگىزەر ءسىلتىسى ازىراق بولادى دەگەن وي ايتقان.
مالما ۋيۆەرسيتەتىنىڭ دارىگەرى يوحان تام اۋرۋدىڭ قايتا جۇعۋنىڭ بىردەن ءبىر سەبەبى- انتيدەنەلەردىڭ تۇزىلمەۋىندە جاتىر دەپ ەسەپتەيدى. ال بۇل اۋرۋدىڭ وزگەشەلىگى سول، اۋىرىپ تۇرعان جانداردىڭ بارلىعىندا بىردەي انتيدەنە تۇزىلمەيدى.
Financial Times حابارلاۋىنشا ۇلىبريتانيادا امەريكالىق Johnson & Johnson كومپانياسى COVID-19–عا قارسى ۆاكتسينانىڭ ءۇشىنشى كەزەڭىن سىناقتان وتكىزۋدى باستاعان.
ۆاكتسينانى تاجىريبەدەن وتكىزۋگە 6 مىڭ بريتاندىق ەرىكتى قاتىسسا، بۇعان قوسا الەمنىڭ بىرنەشە ەلىنەن 30 مىڭ ادام بىرىككەن كورولدىك ۆاكتسيناسىنىڭ كلينيكالىق تاجىريبەسىنە قاتىساتىنىن بىلدىرگەن.
امەريكالىق كومپانيامەن ەل ۇكىمەتى اراسىندا جاسالعان كەلىسىم بويىنشا ەرىكتىلەرگە الدىمەن پلاتسەبو نەمەسە تاجىريبەدەگى Ad26COV2 پرەپاراتىنىڭ دوزاسى بەرىلەدى، تەك اراعا ءبىراز ۋاقىت سالىپ 8\ 57 كۇن وتكەندە ۆاكتسينانىڭ نەمەسە پلاتسەبونىڭ ەكىنشى دوزاسى سالىنادى دەپ ۇيعارىلعان. تاجىريبەگە قاتىسۋشىلار بۇل رەتتە وزدەرىنە ۆاكتسينا سالىنىپ جاتىر دەپ ەسەپتەيدى، ال كىمگە نە سالىنعانى تەك زەرتتەۋشىلەرگە عانا ايان. ال ولار تاجىريبەدەن وتۋشىلەردى ۇزدىكسىز ءجىتى باقىلاپ وتىرادى .
بۇعان دەيىن ۇلىبريتانيادا اقش-تىڭ Novavax بيوتەحنولوگيالىق جانە بريتان-شۆەد فارماتسەۆتەرى AstraZeneca كومپانيالارىمەن بىرلەسە وكسفورد ۋنيۆەرسيتەتى عالىمدارىنىڭ قاتىسۋىمەن تاعى ءبىر ۆاكتسينا جاساۋعا كىرىسكەنىن جازعان بولاتىنبىز.
Johnson & Johnson كومپانياسى ەگەر ۆاكتسينا تاجىريبەدەن ويداعىداي وتەتىن بولسا، ونىڭ العاشقى پارتياسى الداعى جىلدىڭ باسىندا اق سەرتيفيكاتسياسىن الادى دەگەن ۇمىتتە ەكەن.
اۆستراليانىڭ وڭتۇستىگىندە ۆاكتسينا جانە كۆي-گە قارسى دارىلەر شىعاراتىن زاۋىت سالىنادى. اۆستراليا ۇكىمەتىنىڭ مالىمدەمەسىنە سۇيەنە بۇل جايىندا SBS تەلەكانالى جاريا ەتكەنىن الەمدىك باق جازۋدا.
بۇل ءۇشىن ەل ۇكىمەتى 720 ملن ينۆەستيتسيا سالماقشى كورىنەدى. اۆستراليالىق ءبىر ميلليارد دوللار بولاتىن بۇل سومانى بولۋدەگى ماقسات- جەكە جاتقان قۇرلىق تۇرعىندارىن پاندەميادان قورعاپ، امان ساقتاپ قالۋ. پرەمەر-مينيستر سكوتت مورريسون بۇل ينۆەستيتسيالىق پاكەت پاندەميادان ساقتانۋ ءۇشىن عانا ەمەس، جالپى دەنساۋلىق سالاسىنىڭ دامۋىنا وڭ ىقپال ەتۋمەن قاتار، ەل ەكونوميكاسىن نىعايتۋعا دا ۇلەسىن قوسادى دەپ ەسەپتەيتىنىن ايتقان. ء«ارى بۇل ۇلتتىق قاۋىپسىزدىگىمىزدى قامتاماسىز ەتۋ ءۇشىن دە ماڭىزدى قادام» دەگەن سكوت مورريسون.
ءىرى جوبانىڭ باسى مەلبۋرنداعى ۇلتتىق بيوتەحنولوگيالىق كومپانيا CSL Limited بازاسىندا جاساقتالىپ، 2026 جىلى اياقتالادى دەلىنگەن.
مەكسيكا 1 ملن ادامى اۋرۋ جۇقتىرعان 11-شى ەل بولدى دەپ جازادى دجون حوپكينس ۋنيۆەرسيتەتىنىڭ مالىمەتىنە جۇگىنگەن ربك.
مەكسيكا ونسىز دا الەم بويىنشا كوروناۆيرۋستان وتە كوپ ازاماتىنان ايرىلعان العاشقى بەستىككە كىرەتىن. جاعدايدىڭ ۋشىعۋىنا بايلانىستى مەحيكو مەرى كلاۋديا شەينباۋم بارلار مەن تۇنگى كلۋبتاردىڭ جۇمىسى توقتايتىنىن مالىمدەگەن. ال مەيرامحانالار تۇنگى 22:00 ساعاتقا دەيىن ونىڭ وزىندە زالعا 30 پايىز عانا ادام وتىرۋىنا رۇقساتىمەن عانا جۇمىس ىستەيدى، بۇل شەكتەۋ كەمىندە 15 كۇن بولادى دەگەن مەر. مەحيكو تۇرعىندارى ءبىر-بىرىمەن ارالاسۋدان قاشىقتاپ، 10 ادامنان ارتىق ءبىر جەرگە توپتانۋعا بولمايدى دەلىنگەن جاڭا تالاپتا. مۇنىمەن قاتار ەل استاناسىندا چەك-ين جۇيەسى ىسكە قوسىلعان. ول بويىنشا كوپشىلىك جينالاتىن ورىنعا كەلۋشى QR-كود ارقىلى تەلەفونىن تىركەتۋى ءتيىس. سونىڭ ارقاسىندا ادام ۆيرۋس جۇقتىرعان جاعدايدا ونىڭ كىمدەرمەن ءبىر جەردە بولعانى، كىمگە جۇقتىرۋى مۇمكىندىگى انىقتالاتىن كورىنەدى.
اتىراۋدا بىرنەشە مەكتەپتىڭ وقۋشىلارى ونلاين وقيدى
قوعام • كەشە
پرەزيدەنت قاتار امىرىمەن تەلەفون ارقىلى سويلەستى
ساياسات • كەشە
اۋەجايدا شەكاراشىلار قوناقتاردى ەرەكشە كۇتىپ الدى
قوعام • كەشە
ۇقساس جاڭالىقتار
