"سامۇرىق-قازىنا" قورى بىرنەشە نىسان سالىپ, سىيعا ارتتى. سونىڭ ءبىرى - 7 مىڭ ورىنعا ارنالعان ستاديون. ودان كەيىن كونگرەسس-حولل, وقۋشىلار سارايىن, احمەت ياساۋي مۇراجايىن, امفيتەاتردى سىيعا تارتتى. ساپالارى وتە جوعارى, قازىرگى زاماننىڭ بارلىق تالاپتارىنا ساي نىساندار", دەدى ومىرزاق شوكەەۆ ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا.
وسى رەتتە وبلىس باسشىسى باق وكىلدەرىنىڭ تۇركىستانداعى فۋتبول ستاديونىنا 31 ملن دوللار جۇمسالعانىنا جانە مۇنداي قاراجاتقا ەۋروپادا 20-25 مىڭ ادامدىق ستاديون سالىناتىندىعىنا قاتىستى ساۋالىنا جاۋاپ بەردى.
"ەۋروپاداعى جانە بىزدەگى ستاديونداردى سالىستىرۋعا كەلمەيدى. ەۋروپانىڭ فۋتبول ستاديوندارىندا تەك الاڭ مەن تريبۋنا عانا بولادى. بىزدەگى كوپبەيىندى ستاديون سانالادى. الاڭى, جەڭىل اتلەتيكامەن اينالىساتىن جولى, تريبۋنا استىندا گيمناستيكا, اۋىر اتلەتيكا, يوگا سىندى سپورتپەن اينالىسۋعا ارنالعان زالدارى بار. ماماندار ازىرشە بۇل ستاديونعا 7 مىڭ ورىن جەتەدى دەپ وتىر. ورىن جەتپەسە قاقپا ارتىنا جانە جالعاستىرىپ تاعى ورىندىق قويۋعا بولادى", دەدى ومىرزاق شوكەەۆ.
