الماتى وبلىستىق تجد ءباسپاسوز قىزمەتىنىڭ مالىمەتىنشە, 15 قاراشادا جولاۋشىلار اۆتوبۋسىنىڭ ءبىرى ەسىك كولىنە باراتىن جولدا كوكتايعاق سالدارىنان تۇرىپ قالدى.
ول باسقا كولىكتەر مەن اۆتوبۋستاردىڭ قوزعالىسىنا كەدەرگى كەلتىرگەن. جەدەل قابىلدانعان شارا بارىسىندا 50 شەتەلدىك جانە جەرگىلىكتى تۋريست ەسىك ورمان شارۋاشىلىعى ەكولوگيالىق بەكەتىنە جاياۋ ءتۇستى.
قۇتقارۋشىلار ولاردى ءۇش توپقا ءبولىپ, ءار توپقا ءبىر-ءبىر وفيتسەردەن بەكىتىلىپ, بارلىعى امان-ەسەن قاۋىپسىز جەرگە جەتكىزىلدى. ەكوپوستان تۋريستەردى ەڭبەكشىقازاق اۋدانى اكىمدىگى دايىنداعان اۆتوبۋستار كۇتىپ تۇردى. ولار ەسىك قالاسىنىڭ اۆتوۆوكزالىنا جەتكىزدى.
