سەناتتىڭ كەزەكتى وتىرىسى 2020 جىلدىڭ 19 قاراشاسىندا وتەدى. سونىڭ بارىسىندا سەناتورلار ءماجىلىس ماقۇلداعان "قازاقستان رەسپۋبليكاسىنىڭ ۇلتتىق قورىنان 2021-2023 جىلدارعا ارنالعان كەپىلدەندىرىلگەن ترانسفەرت تۋرال" زاڭىنىڭ جوباسىن قارايدى. پالاتا وتىرىسىندا "2021-2023 جىلدارعا ارنالعان رەسپۋبليكالىق بيۋدجەت تۋرالى" زاڭ جوباسى دا قارالادى.
سونىمەن قاتار بيۋرودا ماجىلىستەن كەلىپ تۇسكەن ەكى زاڭ جوباسى الەۋمەتتىك-مادەني دامۋ جانە عىلىم كوميتەتىنە بەرىلدى. ولار: "قازاقستان رەسپۋبليكاسىنىڭ كەيبىر زاڭنامالىق اكتىلەرىنە اقپارات ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" جانە "قازاقستان رەسپۋبليكاسىنىڭ كەيبىر زاڭنامالىق اكتىلەرىنە پەرسونال بەرۋ جونىندەگى قىزمەتتەردى كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوبالارى.
