بۇل تۋرالى تۇركىستان وبلىسىنىڭ اكىمى ومىرزاق شوكەەۆ بريفينگ بارىسىندا ءمالىم ەتتى.
ومىرزاق ەستاي ۇلىنىڭ ايتۋىنشا, ماقتاارال اۋدانىنداعى جەڭىس, جاڭاتۇرمىس, دوستىق ەلدى مەكەندەرىنىڭ تۇرعىندارىنا, مىرزاكەنت كەنتىندە جاڭادان بوي كوتەرگەن ىقشاماۋداندا 386 جەكە تۇرعىن ءۇيدىڭ قۇرىلىسى تولىق اياقتالىپ, كىلتتەرى ءۇي يەلەرىنە تابىستالعان.
ونىڭ ىشىندە 196 تۇرعىن ءۇي قۇرىلىسىنا ۇكىمەتتىك رەزەرۆ ەسەبىنەن قارجى بولىنسە, قالعان 190 تۇرعىن ءۇيدىڭ قۇرىلىسى قايىرىلىمدىق جانە وزگە دە قورلار ارقىلى جۇرگىزىلگەن.
"بۇدان بولەك, مىرزاكەنت كەنتىندەگى جاڭا مولتەك اۋداندا 1200 ورىندىق مەكتەپ پەن 280 ورىندىق بالاباقشا, 1 دارىگەرلىك امبۋلاتوريا جانە 1 پوليتسيا بەكەتىنىڭ قۇرىلىسى ءجۇرىپ جاتىر. سونداي-اق, فيردوۋسي اۋىلىندا 600 ورىندىق مەكتەپ اعىمداعى جوندەۋدەن وتسە, 1 دارىگەرلىك امبۋلاتوريا مەن 1 پوليتسيا بەكەتى, ورگەباس اۋىلىندا 1 فەلدشەرلىك-اكۋشەرلىك پۋنكت پەن 1 پوليتسيالىق بەكەتىنىڭ قۇرىلىسى ءجۇرىپ جاتىر. جوعارىدا اتالعان مەكتەپ پەن بالاباقشا كەلەسى جىلعا وتپەلى بولسا, قالعان نىسانداردىڭ قۇرىلىس جۇمىستارى اعىمداعى جىلدىڭ جەلتوقسان ايىندا تولىق اياقتالادى دەپ جوسپارلانۋدا. اتالعان اۋقىمدى جۇمىستاردىڭ ناتيجەسىندە اۋدانداعى ەلدى مەكەندەر ودان ءارى كوركەيە ءتۇستى. ماقتاارال اۋدانىنداعى قازىرگى جاعداي تۇراقتى", دەدى وبلىس اكىمى.
