بۇل تۋرالى سەنات دەپۋتاتتارىنىڭ ساۋالىنا وراي قر پرەمەر-ءمينيسترى اسقار ءماميننىڭ جاۋابىندا ايتىلعان.
"بۇگىندە ريەلتورلىق قىزمەتكە كاسىپكەرلىك, ازاماتتىق جانە سالىق كودەكستەرى, "جەكە كاسىپكەرلىك تۋرالى", "جىلجىمايتىن م ۇلىككە قۇقىقتاردى مەملەكەتتىك تىركەۋ تۋرالى", "تۇرعىن ءۇي قاتىناستارى تۋرالى" جانە "جارناما تۋرالى" زاڭدار قولدانىلادى. الايدا ريەلتورلىق قىزمەت سالاسىن رەتتەيتىن قولدانىستاعى قۇقىقتىق بازا بىلىكسىز جانە زاڭسىز جۇمىس ىستەيتىن ريەلتورلاردى انىقتاۋعا تولىق مۇمكىندىك بەرمەيدى. وسىعان بايلانىستى 2018 جىلى قازاقستاننىڭ بىرىككەن ريەلتورلار قاۋىمداستىعى ىستانبۇلدا ەۋرازيالىق ەكونوميكالىق ىنتىماقتاستىق ۇيىمىنىڭ ريەلتورلىق قىزمەتتەگى بىرىڭعاي ۇلتتىق ستاندارتتار تۋرالى كونۆەنتسياسىنا قول قويدى", دەدى ۇكىمەت باسشىسى.
ونىڭ اتاپ وتۋىنشە, 2019 جىلى تەحنيكالىق رەتتەۋ جانە مەترولوگيا كوميتەتىنىڭ "قازاقستان ستاندارتتاۋ جانە سەرتيفيكاتتاۋ ينستيتۋتى" رمك تىزىلىمىندە سالالىق تەحنيكالىق كوميتەت تىركەلدى.
كوميتەت مىندەتتەرىنە ريەلتورلىك قىزمەت نارىعىندا كاسىبي ستاندارتتاردى ىلگەرىلەتۋ كىرەدى.
"وسى جىلدىڭ سوڭىنا دەيىن ريەلتورلىق قىزمەتكە قاجەتتى تالاپتار كوزدەلەتىن ۇلتتىق ستاندارتتى قولدانىسقا ەنگىزۋ جوسپارلانعان. وسى سالادا جۇمىس ىستەيتىن ماماندار اتالعان ۇلتتىق ستاندارت بويىنشا وقۋدان وتەدى جانە ءتيىستى سەرتيفيكات الادى. وسىلايشا ۇلتتىق ستاندارتتاردى ەنگىزۋ ازاماتتاردى بىلىكتى ەمەس قىزمەتتەردەن قورعاۋعا مۇمكىندىك بەرەدى. دامىعان ەلدەردە ( ۇلىبريتانيا, يسپانيا, بەلگيا, نيدەرلاندى جانە باسقالارى سياقتى) ريەلتورلىق قىزمەت نارىعىن رەتتەۋ فۋنكتسيالارى جوسىقسىز قاتىسۋشىلار ءۇشىن كەدەرگىلەر بەلگىلەيتىن ءوزىن-ءوزى رەتتەيتىن ۇيىمدارعا بەرىلگەنىن اتاپ كورسەتەمىز. وسى فاكتىنى ەسكەرىپ, قازىرگى ۋاقىتتا مۇددەلى مەملەكەتتىك ورگاندار حالىقارالىق تاجىريبەنى ەسكەرە وتىرىپ, ريەلتورلىق قىزمەتتى ءوزىن-ءوزى رەتتەۋدى ەنگىزۋ ماسەلەسىن قاراپ جاتىر", دەدى اسقار مامين.
بارلىق قۇقىقتار قورعالعان. inform.kz بەلسەندى سىلتەمەنى پايدالانىڭىز https://www.inform.kz/kz/rieltorlyk-kyzmetke-talaptar-kusheytiledi_a3718998
