بيىل ەلىمىزدە ەنگىزىلگەن جالپى كارانتيندى جاعدايعا بايلانىستى ۋاقىتشا تابىسسىز قالعان 77 مىڭنان اسا باتىسقازاقستاندىق ازامات مەملەكەت تاراپىنان كورسەتىلگەن الەۋمەتتىك كومەككە يە بولدى. ال ەلباسىنىڭ باستاماسىمەن «بىرگەمىز» قورى وڭىردەگى 29 مىڭنان اسا ادامعا 1,4 ملرد تەڭگە كولەمىندە ءبىر جولعى قارجىلاي كومەك كورسەتكەن.
سونداي-اق 4,7 مىڭ وتباسى جالپى سوماسى 1,3 ملرد تەڭگەدەن اسا اتاۋلى الەۋمەتتىك كومەك العان ەكەن. «بيىلدان باستاپ 5 مىڭعا جۋىق بالاعا 277,3 ملن تەڭگەگە كەپىلدەندىرىلگەن الەۋمەتتىك توپتاما بەرىلدى» دەيدى ءوڭىر باسشىسى ع.ەسقاليەۆ.
بۇگىندە باتىس قازاقستان وبلىسىندا جۇمىسسىزدىق دەڭگەيى – 5% كولەمىندە. جىل باسىنان بەرى وتكەن 10 اي ىشىندە وڭىردە 16 مىڭنان اسا جاڭا جۇمىس ورنى اشىلعان.
2020 جىلى جۇمىسسىزدىقتى تومەندەتۋ جانە وبلىس حالقىن جۇمىسپەن قامتۋ ماقساتىندا جاساقتالعان كەشەندى جوسپارعا سايكەس 18 مىڭعا جۋىق ادام جۇمىسپەن قامتۋ شارالارىمەن قامتىلعان ەكەن.
