وڭىردە ىندەتتىڭ الدىن الۋ ءۇشىن حالىقتى ەپيدەميالىق جاعدايعا بايلانىستى اقپاراتتاندىرىپ, شەكتەۋلەردى ءتۇسىندىرۋ, باس سانيتارلىق دارىگەردىڭ قاۋلىلارىنداعى تالاپتاردىڭ ورىندالۋىن قاداعالاۋ ماقساتىندا ارنايى موبيلدىك مونيتورينگتىك توپتار قۇرىلعان ەدى. بۇگىندە كوكشەتاۋ قالاسىندا 12 توپ بار. بۇرىن وسى توپتاردىڭ قۇرامىندا بولعان سانيتارلىق قىزمەت وكىلدەرى مەن مەديتسينالىق قىزمەتكەرلەر قازىر تەك call-ورتالىقتاردا حالىق تاراپىنان قويىلاتىن ساۋالدارعا جاۋاپ بەرىپ, مونيتورينگتىك تەكسەرىس كەزىندە تۋىندايتىن داۋلى جاعدايلاردا عانا باراتىن بولدى.
وبلىس ورتالىعىندا سوڭعى 10 كۇن ىشىندە 252 ادام كۆي-مەن تىركەلدى. قازىرگى ۋاقىتتا ولارمەن قارىم-قاتىناستا بولعان ادامدار انىقتالۋدا. ىندەتتىڭ ورشۋىنە بايلانىستى ءموبيلدى توپتار 3 قاراشا كۇنى 48 نىساندى تەكسەرىپ, ولاردىڭ 10-ىندا تالاپ بۇزۋشىلىقتار ورىن العانىن انىقتاپ وتىر. ال 11 قاراشاداعى مونيتورينگتىك تەكسەرىس 73 نىساندى قامتىپ, ونىڭ 4-ەۋىندە تالاپقا مويىنسۇنباۋ جاعدايى كەزىككەن.
«شافران» ءدامحاناسىنا, كوكشەتاۋ اۆتوبۋس پاركىنە ايىپپۇل سالىندى. ساۋدا ورتالىقتارى مەن دۇكەندەر تەكسەرىلگەندە «سامال» ساۋدا ورنىنىڭ جالپىعا ورتاق تالاپتى بۇزعانى انىقتالدى.
ەل ءىشى ىندەت قاۋپىن تولىق تۇيسىنبەي, ءتارتىپ بۇزۋدان تىيىلماسا, قيىنعا سوعاتىن ءتۇرى بار.
كوكشەتاۋ
