2020 جىلدىڭ 10 ايىندا باتىس قازاقستان وبلىسىندا اۋىلشارۋاشىلىعى ونىمدەرىن ءوندىرۋ 1,6%-عا ءوسىپ, 167,7 ملرد تەڭگەنى قۇراعان. سالاداعى ەڭبەك ونىمدىلىگى 2 توقساندا 1,7 ەسە ءوسىپ, 720 مىڭ تەڭگەگە دەيىن جەتكەن. ال سالاعا قۇيىلعان ينۆەستيتسيا كولەمى وتكەن جىلمەن سالىستىرعاندا 2,8 ەسە ءوسىپ وتىر.
ء"وڭىر باسىمدىقتارىنىڭ ءبىرى – ەتتى مال شارۋاشىلىعىن دامىتۋ. ءىرى قارا مال باسى بويىنشا ءبىز رەسپۋبليكادا 4-ورىندامىز. اسىل تۇقىمدى ءىرى قارا مال ءوسىرۋ بويىنشا دا الدىڭعى قاتارعا شىعىپ وتىرمىز. ال ەتتى باعىتتاعى ءىرى قارا مالىن ءوسىرۋ بويىنشا وبلىسىمىز ەكىنشى ورىندا", دەدى عالي ەسقاليەۆ.
اكىمنىڭ ايتۋىنشا, تاسقالا اۋدانىندا مەملەكەت باسشىسىنىڭ اۋىل شارۋاشىلىعى كووپەراتيۆتەرىن بىرىكتىرۋ تاپسىرماسى بويىنشا پيلوتتىق جوبا ەنگىزىلگەن.
"جوبانى تولىقتاي ىسكە اسىرۋ ءۇشىن بىرقاتار كەدەرگىلەردى جويۋ قاجەت. سول سەبەپتى ارنايى ۇسىنىسىمىزدى اۋىل شارۋاشىلىعى مينيسترلىگىنە جولدادىق. ەگەر وسى ۇسىنىس قولداۋ تاپسا, اۋىل تۇرعىنداردىڭ تابىسى ارتاتىن بولادى", دەدى عالي ەسقاليەۆ.
مەملەكەت باسشىسى ايتقان 7 ەكوجۇيەنىڭ ءبىرى – ەت باعىتى بويىنشا باتىس قازاقستان وبلىسىنىڭ الەۋەتى جوعارى. سوۆەت ۇكىمەتى كەزىندە وبلىستىڭ جايىلىم جەرلەر كولەمى 13 ملن گەكتارعا جەتكەن. ال بۇگىندە تەك 7 ملن گەكتار جەر عانا پايدالانىلىپ وتىر.
