مۇنان سوڭ ۆيتسە-مينيستر قوجا احمەت ياسساۋي اتىنداعى قازاق–تۇرىك ۋنيۆەرسيەتىنىڭ كىتاپحاناسىن ارالاپ كورىپ, سوندا ورنالاسقان تۇركىستان وبلىستىق «رۋحاني جاڭعىرۋ» جوبالىق كەڭسەسىنىڭ جۇمىسىمەن دە تانىسىپ شىقتى.
ەلباسى نۇرسۇلتان نازارباەۆتىڭ "بولاشاققا باعدار: رۋحاني جاڭعىرۋ" اتتى ماقالاسىنداعى نەگىزگى باعىتتاردىڭ ءبىرى – "جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» ارنايى جوباسى.
اتالعان باعىت اياسىندا وبلىسىمىزدا بيىل 46 ءىس-شارا ۇيىمداستىرىلىپ, وعان 6 مىڭعا جۋىق ادام قاتىسقان. تۇركىستان وبلىسىنداعى بارلىق ءبىلىم بەرۋ مەكەمەلەرىندە جوبا تۋرالى جان-جاقتى ءتۇسىندىرىلىپ, سىنىپ, تاربيە جانە ءتۇرلى اشىق ساباقتار وتكىزىلۋدە. سونداي-اق, وڭىرىمىزدەگى بارلىق كىتاپحانالار ارنايى شىعارىلعان كىتاپتارمەن قامتىلۋدا.
جالپى جىل باسىنان بەرى "رۋحاني جاڭعىرۋ" باعدارلاماسى اياسىندا وبلىستا 821 ءىس-شارا ءوتىپ, 100 مىڭعا جۋىق ادام قامتىلعان. ءىس-شارالارىڭ باسىم بولىگى ونلاين فورماتىندا, چەللەندج, بايقاۋ, كەزدەسۋلەر تۇرىندە ۇيىمداستىرىلۋدا. جىل بويعى اتقارىلعان جۇمىستار تۋرالى ۆيتسە-مينيسترگە تۇركىستان وبلىستىق
"رۋحاني جاڭعىرۋ" جوبالىق كەڭسەسىنىڭ باسشىسى ايدار سەيدازىم جان-جاقتى بايانداپ بەردى. بولات اناپيا ۇلى اتقارىلعان جۇمىستارعا وڭ باعاسىن بەرىپ, كەڭسە قىزمەتكەرلەرىمەن ءوزارا پىكىر الماستى.
"جىل بويى اتقارىلعان جۇمىستار از ەمەس ەكەنى بايقاۋ قيىن ەمەس. ەلباسىمىزدىڭ "بولاشاققا باعدار: رۋحاني جاڭعىرۋ" اتتى ماقالاسىنداعى نەگىزگى باعىتتاردى جۇزەگە اسىرۋدا تۇركىستان وبلىسىنىڭ ماڭىزى ەرەكشە. الداعى ۋاقىتتا بۇل باعدارلاما نەگىزگى 4 باعىتتا جۇزەگە اسىرىلماق. وسى ماقساتتا بۇل جوبالار قايتا قارالۋدا. سوندىقتان تۇركىستان وبلىستىق جوبالىق كەڭەسىنىڭ جۇمىسىن ودان ءارى جۇيەلەپ, كۇشەيتۋىمىز قاجەت", دەدى بولات اناپيا ۇلى.
مۇنان سوڭ ۆيتسە-مينيستر وبلىسىمىزداعى بىرقاتار ۇكىمەتتىك ەمەس ۇيىم باسشىلارىمەن كەزدەسىپ, الدا اتقارىلاتىن جوبا-جوسپارلار جونىندە پىكىر الماستى. كەزدەسۋ بارىسىندا ۇكىمەتتىك ەمەس ۇيىمداردىڭ جۇمىسىن جانداندىرۋ, جوبالاردى قارجىلاندىرۋ, جۇيەلەۋ باعىتىندا قولا الىنعالى وتىرعان جوبالاردى بايانداپ بەردى.
