قازاقستاننىڭ اۋىل ايەلدەرىنىڭ III فورۋمىندا داۋرەن اباەۆتىڭ قۇتتىقتاۋ حاتىن قر پرەزيدەنتى جانىنداعى ايەلدەر ىستەرى جانە وتباسىلىق دەموگرافيالىق ساياسات جونىندەگى ۇلتتىق كوميسسيا ءتورايىمى ءلاززات رامازانوۆا وقىپ بەردى.
"قادىرلى حانىمدار! بارشاڭىزدى قازاقستاننىڭ اۋىل ايەلدەرىنىڭ III فورۋمىنىڭ اشىلۋىمەن شىن جۇرەكتەن قۇتتىقتايمىن. اۋىل مەن ايەل – قاي كەزدە دە قازاق ءۇشىن قاستەرلى دە كيەلى ۇعىمدار. ءبارىمىزدىڭ تامىرىمىز اۋىلدان, عۇمىرىمىز ايەلدەن باستالادى. قازىر دە ەل حالقىنىڭ 40 پايىزىنىڭ استامى اۋىلدى جەردە تۇرادى. سوندىقتان اۋىلدى دامىتۋ – مەملەكەتتىك ساياساتتىڭ باستى باسىمدىعىنىڭ ءبىرى. بۇل رەتتە ايەلدەردىڭ الەۋەتىن كۇشەيتۋگە ارقاشان ءمان بەرىلەدى. سەبەبى وزدەرىڭىزدىڭ ەكونوميكالىق ۇلەستەرىڭىز, الەۋمەتتىك جاۋاپكەرشىلىكتەرىڭىز جىلدار سايىن ارتىپ كەلەدى", دەيدى داۋرەن اباەۆ.
ونىڭ ايتۋىنشا, بۇگىن دە ايەلدەر ءوز كاسىپورنىن اشىپ, شارۋا قوجالىقتارىن باسقارىپ, بىرەگەي ءوندىرىستى ىسكە قوسىپ, مىڭداعان ادامدى جۇمىسپەن قامتاماسىز ەتىپ وتىر. وعان قوسا وسكەلەڭ ۇرپاقتى تاربيەلەپ, وتباسى قۇندىلىقتارىن ساقتاۋدا الاتىن ورىندارى دا ەرەكشە ماڭىزدى.
"سونىمەن قاتار سىزدەر ءبىلىم بەرۋ, دەنساۋلىق ساقتاۋ, بيزنەس سالاسىن دامىتۋعا ۇلكەن ۇلەسى قوسىپ كەلەسىزدەر. وعان قوسا "جاسىل ەكونوميكانى", تسيفرلىق تەحنولوگيالار مەن يننوۆاتسيالىق جوبالاردىڭ دامىتۋ ىسىندە دە اۋىل ايەلدەرىنىڭ ۇلەسى زور. ال مەملەكەت باسشىسىنىڭ باستامالارى بۇعان قوسىمشا سەرپىن بەرەدى. مىسالى پرەزيدەنتىمىز بيىلعى جولداۋىندا الەۋمەتتىك ماڭىزى بار ازىق-ت ۇلىك تاۋارلارىنىڭ وزىندىك تولىق قامتاماسىز ەتۋ, ميلليونداعان اۋىل تۇرعىندارىنىڭ تابىسىن ارتتىرۋ, ەڭبەك ونىمدەرىن ەكى ەسە ارتتىرۋ, اگروونەركاسىپ كەشەنى ءونىمىنىڭ ەكسپورتتىق كولەمىن ەكى ەسە ارتتىرۋ سياقتى تاپسىرمالار بەردى. سىزدەر دە وسى مىندەتتەردى جۇزەگە اسىرۋعا زور ۇلەس قوسىپ جۇرسىزدەر. الداعى ۋاقىتتا دا ەرلەرمەن قاتار ەلەۋلى ەڭبەك ەتەتىندەرىڭىزگە سەنىمىمىز زور", دەدى داۋرەن اباەۆ.
