"13 قاراشاعا دەيىن باتىس قازاقستان وبلىس بويىنشا 7382 ادام COVID-19 دياگنوزىمەن تىركەلگەن. ونىڭ ىشىندە 3622 ادامنان اۋرۋ بەلگىلەرى انىق بايقالسا, 3760 جاعداي سيمپتومسىز وتكەن. سىرقاتتانۋشىلىقتىڭ جالپى كورسەتكىشى 100 مىڭ تۇرعىنعا شاققاندا 1119,5 ادام بولدى" دەيدى وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆ.
ىندەتتەن 128 ادام قايتىس بولعان. سوڭعى كەزدە وڭىردە كوروناۆيرۋس جۇقتىرعاندار سانى ءوسىپ بارادى. اپتا سايىن ورتا ەسەپپەن 59%-عا كوبەيگەن.
1-12 قاراشا ارالىعىندا وڭىردە كوروناۆيرۋستىق ينفەكتسيامەن تىركەلگەندەر سانى 358 ادامعا جەتكەن. سونىڭ ىشىندە 140 ادامدا اۋرۋ بەلگىسى بار, قالعانى سيمپتومسىز.
سىرقاتتانۋشىلاردىڭ باسىم بولىگى, ياعني 252-ءسى ورال قالاسىندا. سونداي-اق بايتەرەك اۋدانىندا - 41 جاعداي, ءبورلى اۋدانىندا - 25, تەرەكتى جانە شىڭعىرلاۋ اۋداندارىندا - 10 وقيعادان, جاڭاقالا اۋدانىندا - 5, جانىبەك اۋدانىندا – 4, قاراتوبە, سىرىم, كازتالوۆ اۋداندارىندا – 3 جاعدايدان, بوكەي ورداسى جانە اقجايىق اۋداندارىندا ءبىر-ءبىر وقيعادان تىركەلگەن.
كوروناۆيرۋس جۇقتىرعانداردىڭ كوبى سىرقاتپەن جاقىن قارىم-قاتىناستا بولعان ادامداردى تەكسەرۋ كەزىندە انىقتالعان. ولاردىڭ سانى – 150 ادام (41,8%).
"تەك سوڭعى تاۋلىكتە باتىس قازاقستان وبلىسىندا كوروناۆيرۋستىق ينفەكتسيامەن 30 جاعداي تىركەلدى, ونىڭ ىشىندە 22 جاعدايدا اۋرۋ بەلگىلەرى بار" دەيدى نۇرلىبەك ەرمەك ۇلى.
قاراشا ايىنىڭ 1-12 ارالىعىندا رەسەي-قازاقستان شەكاراسىنان وبلىس اۋماعىنا بارلىعى 8559 ادام ءوتىپتى. COVID-19 انىقتاماسى بولماعان 159 جولاۋشى كارانتيندىك ستاتسيوناردا 3 تاۋلىك جاتقىزىلىپ, پتر ادىسىمەن تەكسەرىلگەن. ءسويتىپ 4 ادامنان كوروناۆيرۋس انىقتالعان. سونداي-اق حالىقارالىق جۇك تاسىمالىمەن اينالىساتىن جۇرگىزۋشىلەر اراسىنان تەكسەرىلگەن 14 ادامنىڭ بويىنان دا ۆيرۋس تابىلعان.
باتىس قازاقستان وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى گۇلنار ابدراحمانوۆانىڭ ايتۋىنا قاراعاندا, مەملەكەتتىك شەكارا بويىنداعى تاسقالا, جانىبەك, اقساي جانە سىرىم سانيتارلىق بەكەتتەرى جانىندا جالپى سانى 185 توسەكتىك ءتورت كارانتيندىك ستاتسيونار اشىلعان. قازىرگى تاڭدا بۇل جەرلەردە 28 ناۋقاس جاتىر.
"قوسىمشا رەزەرۆتى ينفەكتسيالىق توسەك ورىندارىنان بوكەيوردا اۋدانىنان 16 ينفەكتسيالىق توسەك ورنى اشىلدى" دەيدى گۇلنار ماقسوتقىزى.
سوڭعى مالىمەتتەر بويىنشا, باتىس قازاقستان وبلىستىق جۇقپالى اۋرۋلار اۋرۋحاناسىندا, وبلىستىق كوپبەيىندى اۋرۋحانادا, ءبورلى, اقجايىق, جانىبەك, بايتەرەك جانە بوكەيوردا اۋداندىق اۋرۋحانالارى بازاسىنداعى 349 توسەك-ورىندىق جەتى ينفەكتسيالىق اۋرۋحانادا 117 ادام ەمدەلۋدە. ياعني اۋرۋحانالار قازىر 33,5%-عا تولىق. سونىن ىشىندە 37 رەانيماتسيالىق توسەك ورنىندا قازىر 8 ادام جاتىر ەكەن.
"جانساقتاۋ بولىمىندە جاتقان جانداردىڭ 80%-ى – 60-تان اسقان, قالعان 20%-ى – 80 جاستان اسقان قاريالار" دەيدى دارىگەر. ولاردىڭ ءبارىنىڭ دە قوسىمشا سوزىلمالى جۇرەك-قان تامىرلارى, تىنىس الۋ جۇيەلەرى, سوزىلمالى بۇيرەك اۋرۋلارى بار ەكەن.
وڭىردە پاندەمياعا قارسى بارلىق شارالار قولعا الىنعان, 2028 رەزەرۆتىك توسەك-ورىن دايىندالعان. ونىڭ 1253-ءى – ينفەكتسيالىق ستاتسيونارلاردا, 775-ءى – كارانتيندىك ستاتسيونارلاردا.
قازىر وبلىس ەمحانالارى جانىنان 123 ءموبيلدى بريگادا قۇرىلىپ, ۇيگە شاقىرتۋ بويىنشا قىزمەت كورسەتۋگە كىرىستى. ولار سىرقاتتان اناليز, ونىڭ ىشىندە پتر الۋدى جۇرگىزەدى, كۆي-ءدىڭ سيمپتومسىز جانە جەڭىل فورماسى بار پاتسيەنتتەردى امبۋلاتوريالىق باقىلاۋعا الىپ, مەديتسينالىق اقپاراتتىق جۇيەگە ەنگىزەدى. بۇل بريگادالار ارنايى اۆتوكولىكپەن, جەكە قورعانىس قۇرالدارىمەن, سىنامالاردى جيناۋعا ارنالعان جيناقتارمەن, انتيسەپتيكتەرمەن, پۋلسوكسيمەترلەرمەن, ارتەريالدىق قىسىم ولشەۋگە ارنالعان اپپاراتتارمەن قامتاماسىز ەتىلگەن.
"ورتا ەسەپپەن ءبىر ەمحانانىڭ ءموبيلدى بريگاداسى كۇنىنە 9-10 شاقىرتۋعا بارادى. ال جالپى وبلىس بويىنشا 100 شاقتى شاقىرتۋعا بارىپ, مەديتسينالىق قىزمەت كورسەتىپ جاتىر" دەيدى گۇلنار ابدراحمانوۆا.
دارىگەرلەر تىماۋ, سۋىق تيۋ بەلگىلەرى بايقالعان ناۋقاستارعا ۇيدەن شىقپاي, سيتۋاتسيالىق ورتالىق ماماندارىنا حابارلاسۋىن ايتىپ جاتىر. سول جەردە ءتيىستى كەڭەس الىپ, قاجەت بولعان جاعدايدا دارىگەر قابىلداۋىن ۇيىمداستىرادى.
سوڭعى اپتادا وڭىردەگى "109" call–ورتالىققا – 2325 قوڭىراۋ كەلىپ تۇسكەن. ونىڭ 799-ى – COVID-19 بويىنشا. تەك سوڭعى تاۋلىكتە كوروناۆيرۋس ماسەلەسىنە وراي 132 مارتە قوڭىراۋ شالىنعان.
وبلىستا 10 قاراشادان بەرى كۇشەيتىلگەن سانيتارلىق رەجيم ەنگىزىلگەن بولاتىن. سوعان وراي سەنبى-جەكسەنبى كۇندەرى وبلىس بويىنشا كولىك قوزعالىسى شەكتەلەدى. تۇنگى 23.00. پەن 06.00. ساعات ارالىعىندا دا جەكە اۆتوكولىك قۇرالدارىنىڭ جۇرۋىنە تيىم سالىندى. ارنايى مونيتورنيگتىك توپ قاراشا ايىنىڭ باسىنان بەرى 41 نىساننىڭ كارانتين تالاپتارىن بۇزعانىن انىقتاعان. ءسويتىپ, 63 اكىمشىلىك قۇقىق بۇزۋشىلىق تۋرالى حاتتاما تولتىرىلىپ, زاڭبۇزۋشىلارعا 21 ملن تەڭگەدەن استام ايىپپۇل سالىنعان.
