ورماندار مەن جانۋارلار دۇنيەسىن قورعاۋ جونىندەگى جۋالى اۋدانى مەكەمەسى مەن جۋالى اۋداندىق پروكۋراتۋرا قىزمەتكەرلەرى جوسپارلى تەكسەرۋ بارىسىندا بەرىكقارا شاتقالىنىڭ باتىس بولىگىنەن ن 343 عنN مەملەكەتتىك ءنومىرلى «ۆاز-2107» اۆتوكولىگىن توقتاتتى. تەكسەرۋ كەزىندە كولىك قورابىنان وپتيكالىق كوزدەۋ قۇرالى بار وقتاۋلى بەساتاردى, 12-ءشى كاليبرلى قوس اۋىز اڭشى مىلتىعىن وق-ءدارىسىمەن جانە... قانعا بوككەن ەلىكتى تاپتى.
ورماندار مەن جانۋارلار دۇنيەسىن قورعاۋ جونىندەگى جۋالى اۋدانى مەكەمەسى مەن جۋالى اۋداندىق پروكۋراتۋرا قىزمەتكەرلەرى جوسپارلى تەكسەرۋ بارىسىندا بەرىكقارا شاتقالىنىڭ باتىس بولىگىنەن ن 343 عنN مەملەكەتتىك ءنومىرلى «ۆاز-2107» اۆتوكولىگىن توقتاتتى. تەكسەرۋ كەزىندە كولىك قورابىنان وپتيكالىق كوزدەۋ قۇرالى بار وقتاۋلى بەساتاردى, 12-ءشى كاليبرلى قوس اۋىز اڭشى مىلتىعىن وق-ءدارىسىمەن جانە... قانعا بوككەن ەلىكتى تاپتى.
اۆتوكولىكتەگى ءۇش براكونەردىڭ ءبىرى وڭتۇستىك قازاقستان وبلىسى سايرام اۋدانىنىڭ تۇرعىنى بولات ابدىحالىقوۆ تاۋ ەركەسىن زاڭسىز اتقانىن تولىق مويىندادى. انىقتالعان فاكت بويىنشا اكىمشىلىك قۇقىق بۇزۋشىلىق جونىندە حاتتاما تولتىرىلىپ, ايعاق-دالەلدەر قۇقىق قورعاۋ ورگاندارىنا تاپسىرىلدى.
زاڭسىز اڭ اۋلاعانى ءۇشىن جەكە تۇلعالارعا 7 مەن 15-كە دەيىنگى ايلىق ەسەپتىك كورسەتكىش بويىنشا ايىپپۇل سالىنادى. ال ەگەر زاڭ بۇزۋشىلىق مەملەكەت قامقورلىعىنا الىنعان تابيعي قورىقتا ورىن السا, وندا 40 پەن 70 اەك-كە دەيىن ايىپپۇل تولەۋگە ءتيىس. زاڭسىز اڭ اۋلاۋ ۇلكەن شىعىنعا سوقتىرسا 300-دەن 500-گە دەيىن اكىمشىلىك ايىپپۇل سالىنادى نەمەسە 45 تاۋلىككە اكىمشىلىك قاماققا جابىلادى. سونىمەن قاتار, تابيعاتتى قورعاۋ زاڭدىلىقتارىن بۇزا وتىرىپ كەلتىرگەن زالالى وندىرىلەدى. ال سايرام اۋدانىنان جۋالى اۋدانىنا كەلىپ, ەركە ەلىكتى اتقان ب.ابدىحالىقوۆقا زاڭسىز ارەكەتى ءۇشىن 100 اەك, ياعني 173 100 تەڭگە ايىپ سالىندى.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى,
جۋالى اۋدانى,
باۋىرجان مومىش ۇلى اۋىلى.
