شاراعا وبلىس اكىمىنىڭ ءبىرىنشى ورىنباسارى ارمان جەتپىسباەۆ, سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى ميراس قارعاباي, "جول اكتيۆتەرى ۇلتتىق ساپا ورتالىعىنىڭ" تۇركىستان وبلىسى بويىنشا فيليالىنىڭ ديرەكتورى مۋحيت احمەتوۆ, بەينە-سەلەكتورلىق بايلانىس ارقىلى قالا/اۋدان اكىمدەرى قاتىستى.
ءماجىلىستى اشقان وبلىس اكىمىنىڭ ورىنباسارى جەرگىلىكتى اتقارۋشى ورگانداردىڭ مىندەتتەرىنىڭ ءبىرى – بيۋدجەت قاراجاتىن ءتيىمدى پايدالانۋ ەكەنىن اتاپ ءوتتى.
"ەڭ باستىسى, قاراجاتتى قاجەتتى نىسانداردىڭ قۇرىلىسىنا جۇمساۋ قاجەت. سونداي-اق, نىسانداردىڭ ساپاسىن قاداعالاپ, جولداردىڭ ساپاسى مەن قاۋىپسىزدىگىن ارتتىرۋ كەرەك", دەدى ارمان جەتپىسباي.
ميراس قارعابايدىڭ ايتۋىنشا, جىل باسىنان بەرى تۇرعىنداردىڭ ارىز-شاعىمدارى بويىنشا "جول اكتيۆتەرى ۇلتتىق ساپا ورتالىعىنىڭ" وڭىردەگى فيليالىنىڭ, "تۇركىستان – ادالدىق الاڭى" جوبالىق كەڭسەسى قىزمەتكەرلەرىنىڭ, ارنايى مونيتورينگتىك توپ مۇشەلەرىنىڭ جانە جەرگىلىكتى اكىمدىك پەن مەردىگەر مەكەمە باسشىلارىنىڭ, سونداي-اق باق وكىلدەرىنىڭ قاتىسۋىمەن وبلىسقا قاراستى 14 قالا/اۋدانداردىڭ اۆتوكولىك جولدارىنا مونيتورينگ جۇمىستارى جۇرگىزىلگەن.
جيىن بارىسىندا جاڭادان توسەلگەن جولداردىڭ ساپاسى مەن قاۋىپسىزدىگىن ارتتىرۋ بويىنشا ۇسىنىس-پىكىرلەر ورتاعا سالىنىپ, مونيتورينگ ناتيجەسىندە انىقتالعان كەمشىلىكتەردى بولدىرماۋ ماسەلەلەرى تالقىلاندى.
تۇركىستان وبلىسى اكىمىنىڭ ءباسپاسوز قىزمەتى
