وتىز جەتى جاستاعى ازامات وسىدان 8 كۇن بۇرىن جەكە يەلىگىندەگى اۆتوكولىگىمەن «قىزىلوردا سۋ تورابى» كوپىرىنەن وتپەك بولادى. مەملەكەتتىك كۇزەتۋگە الىنعان ستراتەگيالىق نىسان سانالاتىن كوپىردەن وتۋگە جانە جۇرۋگە تىيىم سالىنعان جول بەلگىسىن كوزگە ىلمەگەن جانە ونى ەسكەرتكەن پوليتسيا قىزمەتكەرلەرىنە باعىنباعان. كۇزەتىلگەن نىسانعا قاساقانا زاڭسىز كىرىپ, تەمىر توسقاۋىلدى اشىپ, ءوتىپ كەتكەن. ءسويتىپ, قازاقستان رەسپۋبليكاسى اكىمشىلىك كودەكسىنىڭ 506 جانە قر اقبتك-ءنىڭ 601-بابىمەن كوزدەلگەن زاڭ تالاپتارىن بۇزعان.
مەملەكەتتىك كۇزەتۋگە الىنعان ستراتەگيالىق ايماق كوپىرى ارقىلى كولىك قۇرالىنا جۇرۋگە تىيىم سالىنعاندىعىن ەسكەرتىپ, كولىكتى توقتاتۋىن سۇراعان پوليتسيا قىزمەتكەرلەرىنە باعىنباي, ولاردى قاعىپ ءوتىپ وقيعا ورنىنان بوي تاسالاعان تۇرعىن كوپ كەشىكپەي ۇستالدى.
قازىر ول قىزىلوردا قپب-نىڭ ۋاقىتشا ۇستاۋ اباقتىسىندا جاتىر. وعان قاتىستى قازاقستان رەسپۋبليكاسى قىلمىستىق كودەكسىنىڭ 380-بابى 1-بولىگىمەن (بيلىك وكiلiنە قاتىستى كۇش قولدانۋ) سوتقا دەيىنگى تەرگەپ-تەكسەرۋ امالدارى جۇرگىزىلۋدە.
