اتالعان ءىس-شارانىڭ نەگىزگى مىندەتتەرى پاتەرلەر مەن ءۇي يەلىكتەرىنەن ۇرلىققا بايلانىستى قىلمىستاردىڭ الدىن الۋ, جولىن كەسۋ جانە اشۋ بولىپ تابىلادى. شارا كەزىندە پوليتسەيلەر حالىق اراسىندا ءوز م ۇلىكتەرىن ساقتاۋ تۋرالى تۇسىنىك جۇمىستارىن جۇرگىزدى.
ۇشكۇندىك شارا بارىسىندا بارلىعى 9 پاتەر ۇرلىعى اشىلدى, ونىڭ 3 قىلمىسى وتكەن جىلدارداعى پاتەر ۇرلىعى. اشىلعان قىلمىستاردىڭ 4 اۋىر دارەجەدەگى قىلمىستار. ناقتىراق ايتاتىن بولساق, اقتاۋ قالاسى بويىنشا 4 قىلمىس, ونىڭ ىشىندە 2 اۋىر دارەجەدەگى پاتەر ۇرلىعى, جاڭاوزەن قالاسى بويىنشا وتكەن جىلعى 1 قىلمىس اشىلدى. اۋداندار بويىنشا 4 قىلمىس دەرەكتەرى اشىلدى: مۇنايلى – 2 اۋىر دارەجەدەگى پاتەر ۇرلىعى قىلمىسى, قاراقيا – وتكەن جىلعى قىلمىس, بەينەۋ – وتكەن جىلعى 1 قىلمىس.
سونىمەن قاتار, ماڭعىستاۋ اۋدانىمەن 3 پاتەردەن بولعان ۇرلىق قىلمىستارى انىقتالىپ تىركەلىپ اشىلدى. ماسەلەن, "پاتەر" جەدەل الدىن الۋ ءىس-شاراسىن وتكىزۋ كەزىندە اقتاۋ قالاسىندا پاتەر ۇرلىعى اشىلدى. اعىمداعى جىلدىڭ قازان ايىنىڭ 3-ىنەن 4-ىنە قاراعان ءتۇنى بەلگىسىز ادام ەسىكتىڭ اشىق تۇرعانىن پايدالانىپ, پاتەرگە كىرىپ, "Huawei" ماركالى ۇيالى تەلەفونىن جاتىن بولمەسىنەن ۇرلاپ كەتكەن. كۇدىكتى ۇستالىپ, ونىڭ جەكە باسى انىقتالدى. ول جاڭاوزەن قالاسىنىڭ تۇرعىنى بولىپ شىقتى. قازىر ۇستالعان ازاماتقا قاتىستى ەشقايدا كەتپەۋ تۋرالى بۇلتارتپاۋ شاراسى قولدانىلدى.
ماڭعىستاۋ وبلىسىنىڭ پوليتسيا باسشىسى جاناربەك باقتىباەۆ ازاماتتاردى قىراعى بولۋعا جانە ءوز مۇلكىنىڭ ساقتالۋىن قامتاماسىز ەتۋ شارالارىن ساقتاۋعا شاقىرادى. "كوپتەگەن قىلمىستاردى جاساۋعا ىقپال ەتەتىن فاكتورلار جابىرلەنۋشىلەردىڭ ءوز مۇلكىنە جاۋاپسىز قاراۋى, سونداي - اق ولاردىڭ شەكتەن تىس سەنۋشىلىگى بولىپ تابىلادى", - دەپ اتاپ ءوتتى باقتىباەۆ.
ماڭعىستاۋ وبلىسى
