قىرىق رەانيموبيل كىلتى وبلىستىق مەديتسينالىق جەدەل جاردەم ستانساسىنا, ارال, قازالى, قارماقشى, سىرداريا, شيەلى, جاڭاقورعان اۋداندارى مەن تورەتام جەدەل جاردەم بولىمدەرىنە تابىستالدى. قارماقشى جانە جالاعاش اۋداندارىنا 2 جىلجىمالى مەديتسينالىق كەشەن بەرىلسە, «ارالتۇز» اكتسيونەرلىك قوعامى دەمەۋشىلىگىمەن ارال اۋدانارالىق اۋرۋحاناسىنا 2 رەانيموبيل اۆتوكولىگى تابىستالدى.
"پاندەميا كەزىندە وڭىردەگى مەديتسينالىق جەدەل جاردەم ستانساسىنىڭ جۇمىستى ساۋاتتى جانە ۇتىمدى ۇيىمداستىرۋىنىڭ ناتيجەسىندە بارلىق رەسپۋبليكالىق ينديكاتورلاردىڭ ورىندالۋىن قامتاماسىز ەتتى. حالىق دەنساۋلىعى – ەلىمىزدىڭ بەلسەندى دامۋىنا, ەكونوميكاسىنا, اسىرەسە, الەۋمەتتىك جاعدايىنا ىقپال ەتەتىنى ءسوزسىز. سوندىقتان, قازاقستاندىقتاردىڭ دەنساۋلىعىن جاقسارتۋ – ەلىمىزدىڭ مەملەكەتتىك ساياساتىنىڭ باسىم باعىتتارىنىڭ ءبىرى. وسى رەتتە, الداعى 5 جىل ىشىندە ءبىلىم, عىلىم, دەنساۋلىق ساقتاۋ سالالارىنا جۇمسالاتىن قاراجاتتى ىشكى جالپى ءونىمنىڭ 10 پايىزىنا جەتكىزۋ جوسپارلانعان. بۇل ءوز كەزەگىندە حالىقتىڭومىر ءسۇرۋ ساپاسىن جاقسارتۋعا اكەلەدى", - دەدى وبلىس اكىمى.
بۇگىندە وبلىس حالقىنا 2423 دارىگەر, 9528 ورتا بۋىن مامان مەديتسينالىق قىزمەت كورسەتەدى. 2016 جىلدان باستاپ وڭىرگە قاجەتتى مەديتسينا ماماندىقتارى بويىنشا 91 رەزيدەنتكە وبلىس اكىمىنىڭ گرانتى تاعايىندالدى.
ودان بولەك, 2018 جىلدان باستاپ مارات وسپانوۆ اتىنداعى باتىس قازاقستان مەديتسينا ۋنيۆەرسيتەتىمەن جاسالعان مەموراندۋم اياسىندا وبلىس اكىمىنىڭ ارنايى گرانتى ءبولىنىپ, قازىر 100 جالپى تاجىريبەلىك دارىگەر جەرگىلىكتى بيۋدجەت قاراجاتى ەسەبىنەن دايارلانۋدا.
قازىرگى تاڭدا جەدەل جاردەم قىزمەتىن ورتالىقتاندىرۋدىڭ ارقاسىندا وبلىس ورتالىعى مەن اۋدانداردا جەدەل جاردەم قىزمەتى ءبىر دەڭگەيدە كورسەتىلىپ وتىر.
ساپالى كورسەتكىشتەرگە توقتالا كەتسەك, 2020 جىلى شاقىرىستارعا كەشىگۋ كورسەتكىشى 2,5 %-دان 1,9%-عا ازايسا, جەدەل جاردەم توبىنىڭ كوز الدىنداعى ءولىم كورسەتكىشى 3,2%-دان 1,6%-عا تومەندەپ, ناتيجەلى رەانيماتسيا 47,2%-دان 56,3 %-عا ۇلعايدى.
شارا سوڭىندا سالا ارداگەرى تۇرعانباي ماحانوۆ مەملەكەت تاراپىنان مەديتسينا سالاسىنا كورسەتىلگەن قولداۋعا العىسىن جەتكىزىپ, الداعى جۇمىستارعا ساتتىلىك تىلەدى.
