ۆەدومستۆودا اتاپ وتكەندەي, ءوسىمپۇلداردى ەسەپتەن شىعارۋعا ارنالعان اكتسيانىڭ اياقتالۋىنا ەكى ايدان از ۋاقىت قالدى. اعىمداعى جىلدىڭ 6 قاراشاداعى جاعداي بويىنشا سالىقتىق راقىمشىلىق مۇمكىندىكتەرىن 400 مىڭعا جۋىق جەكە تۇلعا پايدالاندى, ولار 5,5 ملرد تەڭگە كولەمىندەگى بەرەشەكتەرىن وتەپ, 612,2 ملن تەڭگە ءوسىمپۇل ەسەپتەن شىعارىلدى.
الماتى قالاسى كولىك سالىعى بويىنشا ءوسىمپۇلداردى ەسەپتەن شىعارۋدا كوشباسشىلاردىڭ قاتارىندا. وڭتۇستىك مەگاپوليستىڭ تۇرعىنى 2,3 ملن تەڭگە قارىزىن تولەپ, وعان 1,6 ملن تەڭگەگە جۋىق ءوسىمپۇل كەشىرىلدى.
سونىمەن قاتار, شىمكەنت قالاسىنىڭ تۇرعىنى جەر سالىعى بويىنشا 1,4 ملن تەڭگە مولشەرىندە نەگىزگى قارىز سوماسىن تولەگەن, وسىلايشا ول 209 809 تەڭگە سوماسىندا ءوسىمپۇلدان بوساتىلعان. م ۇلىك سالىعى بويىنشا ءوسىمپۇلداردى ەسەپتەن شىعارۋ رەيتينگىن نۇر-سۇلتان قالاسىنىڭ تۇرعىنى باستاپ تۇر. 260 مىڭ تەڭگەدەن اسقان ءوسىمپۇلدان قۇتىلۋ ءۇشىن ول 515 586 تەڭگە نەگىزگى قارىزدى تولەدى.
مكك جىل سوڭىنا دەيىن سالىقتار بويىنشا نەگىزگى قارىزدى تولەگەن جاعدايدا ءوسىمپۇلدى ەسەپتەن شىعارۋ بويىنشا راقىمشىلىق قولدانىلاتىنىن ەسكە سالادى. سالىقتىق راقىمشىلىق جۇرگىزۋ مەرزىمى 2020 جىلعى 31 جەلتوقسانعا دەيىن. ءوسىمپۇلدى ەسەپتەن شىعارۋ ءۇشىن ەشقايدا بارۋدىڭ قاجەتى جوق.
قارىزدىڭ نەگىزگى سوماسىن تولەۋ جەتكىلىكتى. ءوسىمپۇل اۆتوماتتى تۇردە ەسەپتەن شىعارىلادى. مەملەكەتتىك كىرىستەر ورگاندارىنىڭ بارلىق اۋماقتىق بولىمشەلەرىندە ءوسىمپۇلداردى ەسەپتەن شىعارۋ جونىندەگى كوميسسيالار قۇرىلدى.
سالىقتار بويىنشا بەرەشەكتىڭ بار/جوق ەكەندىگى تۋرالى مالىمەتتەردى قر قم مەملەكەتتىك كىرىستەر كوميتەتىنىڭ سايتىندا, سونداي-اق eSalyq mobile (AppStore, PlayMarket) ءموبيلدى قوسىمشاسى ارقىلى تەكسەرۋگە بولادى.
