كارانتين شارالارى سالدارىنان بيزنەسى تۇرالاپ قالعان كاسىپكەرلەرگە سالىقتىڭ 2 ءتۇرى بىردەن 3%-عا دەيىن 2 جىلعا تومەندەتىلدى. ەندى كورپوراتيۆتەر ءۇشىن 10-20% جانە جەكە تابىس سالىعى بويىنشا 10% ورنىنا – كومپانيالار مەن جەكە كاسىپكەرلەر 3% عانا بالاما بولشەك سالىعىن تولەۋى كەرەك بولادى. سونىمەن قاتار, پاندەميا سالدارىنان شىعىنعا ۇشىراعان كومپانيالار قوسىمشا قۇن سالىعىنان جانە الەۋمەتتىك سالىقتان بوساتىلادى. بۇل وزگەرىستەر اقشا اينالىمىنىڭ كولەمىنە قاراماستان بارلىق كاسىپكەرلەرگە ورتاق بولادى.
"پاندەميا كەزىندە ەرەكشە زارداپ شەككەن سەكتورلارعا قولداۋ كورسەتۋ ءۇشىن شاعىن جانە ورتا بيزنەسكە 2 جىلعا قوسىلعان قۇن سالىعىنان جانە الەۋمەتتىك سالىقتان بوساتۋ ۇسىنىلىپ وتىر. سونىمەن قاتار كورپوراتيۆتىك جانە تابىس سالىعىن ەسەپتەۋدىڭ ءتارتىبى زاڭ جوباسىندا سەناتورلارمەن ۇسىلىنىپ وتىر. مەملەكەت باسشىسىنىڭ تاپسىرماسىمەن تابىستىڭ 3 پايىزى كولەمىندە بولشەك سالىق رەجيمى ەنگىزىلەدى. مۇنداي قادام پاندەميادان زارداپ شەككەن كاسىپكەرلەر ءۇشىن سالىق جۇكتەمەسىن ازايتۋعا جانە ولاردىڭ جۇمىسىنا قولداۋ كورسەتۋگە باعىتالىپ وتىر", دەدى سەنات سپيكەرى ماۋلەن اشىمباەۆ سالىق كودەكسىنە ەنگىزىلەتىن وزگەرىستەر جايلى پىكىر بىلدىرە وتىرىپ.
سەنات دەپۋتاتتارى بىرنەشە مارتە شاعىن جانە ورتا بيزنەسكە قولداۋدى ارنايى سالىق رەجيمدەرىن قۇرۋ تۇرىندە دە, سالىقتىق اكىمشىلەندىرۋدى جەڭىلدەتۋ تۇرعىسىنان دا ۇيىمداستىرۋ قاجەتتىلىگى تۋرالى تالقىلادى. شاعىن جانە ورتا بيزنەسكە قولداۋ كورسەتۋ ماقساتىندا سالىق كودەكسىنە وزگە دە تۇزەتۋلەر ەنگىزىلدى. دەپۋتاتتار شەكتەۋلەردىڭ سالدارىنان تابىسىنان ايرىلعان كاسىپكەرلەردىڭ قايتا قالىپقا كەلۋى ءۇشىن بىرنەشە اي قاجەت بولادى دەگەن پىكىرگە سۇيەنىپ وتىر.
سوندىقتان سەنات دەپۋتاتتارى سالىق جۇكتەمەسىن ازايتىپ قانا قويماي, بيزنەسكە مەملەكەت تاراپىنان باسقا دا قولداۋ كورسەتۋدى قاجەت دەپ سانايدى. ال ەڭ كوپ شىعىنعا ۇشىراعان ەكونوميكالىق سەكتورلاردىڭ ءتىزىمىن ۇكىمەت ايقىندايتىن بولدى.
