ءىستى قىلمىستىق ىستەر جونىندەگى مامانداندىرىلعان اۋدانارالىق سوتى (اىجك) قارادى. سوتتالۋشىعا قىلمىستىق كودەكستىڭ 124-بابىنىڭ 1-بولىگىمەن قاساقانا كامەلەتكە تولماعان ادامعا قاتىستى كۇش قولدانباي ەرسى ارەكەتتەر جاسادى دەپ ايىپتالدى.
"سوت سوتتالۋشى 2012 جىلى تۋعان ەكى كىشكەنتاي قىزعا زورلىق-زومبىلىق كورسەتپەستەن, ساۋدا ورتالىعىندا قاسكويلىك ارەكەتتەر جاساعانىن انىقتادى. اتاپ ايتقاندا, ول ولارعا ۇيالى تەلەفونىنان پورنوگرافيالىق مازمۇنداعى بەينەلەردى ەكى رەت كورسەتكەن - الدىمەن ساۋدا ورتالىعىنىڭ فويەسىندە, سودان كەيىن ايەلدەر دارەتحاناسىنا كىرگەن", دەلىنگەن قالالىق سوتتىڭ حابارلاماسىندا.
ەر ادام 10 جىل مەرزىمگە باس بوستاندىعىنان ايىرۋ جازاسىنا جانە 10 جىل مەرزىمگە كامەلەتكە تولماعاندارمەن جۇمىس ىستەۋگە بايلانىستى قىزمەتتەرگە ورنالاسۋ قۇقىعىنان ايىرىلدى.
ءىستىڭ جەڭىلدەتەتىن ءمان-جايلارىنىڭ جوقتىعىن, قىلمىسكەردىڭ جەكە باسى مەن قىلمىستىڭ الەۋمەتتىك قاۋىپتىلىك دارەجەسىن ەسكەرە وتىرىپ, سوت وعان ەڭ اۋىر جازا تاعايىنداعانى اتاپ ءوتىلدى.
