مينيسترلىك مالىمەتىنشە, ول 2017 جىلدان بەرى قارىزىن تولەمەگەن. سول كەزدەن باستاپ ول ءۇش بالاسىنىڭ اليمەنتىن تولەمەگەن. قاپشاعايدىڭ سوت ورىنداۋشىسى سالىق ورگاندارى ارقىلى اليمەنت تولەۋشىنىڭ اي سايىنعى تابىسى 1,2 ميلليون تەڭگە ەكەنىن انىقتاعان. وسى ۋاقىت ارالىعىندا ونىڭ قارىزى 21 ميلليون تەڭگەگە جەتكەن.
سوت ورىنداۋشى اليمەنت تولەۋشىنىڭ اتىندا الماتىداعى ەكى بولمەلى پاتەر جانە Toyota Camry اۆتوكولىگى بارىن انىقتاعان.
"م ۇلىكتەر تاركىلەنىپ, باعالاۋ جۇمىستارى جۇرگىزىلدى. اليمەنت تولەۋشىنى جەكە سوت ورىنداۋشىسى بىرنەشە رەت شاقىرعان. وعان بالالارىنىڭ اليمەنتىن تولەۋى تۋرالى بىرنەشە رەت ەسكەرتىلگەن. الايدا ەر ادام سوتتىڭ شەشىمىن ورىنداۋدان باس تارتتى", دەيدى مينيسترلىك وكىلدەرى.
ەر ادام سوت تالابىن ورىنداماعانى ءۇشىن جەكە مۇلكىنەن ايىرىلدى.
"اۆتوكولىك 3,2 ميلليون تەڭگە, ال پاتەر 13,6 ميلليون تەڭگە دەپ باعالاندى. جالپى سوماسى 16,8 ميلليون تەڭگە بولاتىن م ۇلىك ونى ءوندىرىپ الۋشىعا بەرىلدى. بۇگىندە ەر ادامنىڭ اليمەنت تولەۋ بويىنشا قارىزى 777 مىڭ تەڭگە", دەدى ۆەدومستۆو وكىلدەرى.
