كەڭەس بارىسىندا قوستاناي, ليساكوۆ, ارقالىق, رۋدنىي جانە قوستاناي, قارابالىق, جىتىقارا اۋداندارىنىڭ اكىمدەرى ءار اۋدانداعى ەپيدەميالىق احۋال تۋرالى ەسەپ بەردى. سونىمەن قاتار وبلىستا جۇزەگە اسىرىلىپ جاتقان ىندەتكە قارسى كۇرەس شارالارى مەن كارانتين رەجىمىن ساقتاۋ جونىندەگى مونيتورينگتىك توپتاردىڭ جۇمىسى تۋرالى ءسوز بولدى.
جيىن بارىسىندا وبلىس اكىمى الداعى بەيسەنبىدەن باستاپ قوستاناي وبلىسىمەن شەكتەسىپ جاتقان ىرگەلەس وبلىستاردان كىرەتىن كولىك جولدارىنا سانيتارلىق بەكەت قويىلاتىنىن مالىمدەدى.
– شتاب مۇشەلەرى ايتقان ۇسىنىستاردى ەسكەرە وتىرىپ, 12 قاراشادا ساعات 00.00-دەن باستاپ كورشىلەس وبلىستاردىڭ شەكاراسىندا وبلىستىڭ پەريمەترى بويىنشا سانيتارلىق بەكەتتەر ورناتۋ تۋرالى شەشىم قابىلداندى, سونداي-اق مونيتورينگتىك توپتاردىڭ جۇمىسى كۇشەيتىلەدى, – دەدى ا.مۇحامبەتوۆ.
ايماق باسشىسى جەدەل شتاب وكىلدەرىنە وبلىس تۇرعىندارى مەن كاسىپكەرلەرگە كارانتين تالاپتارىن ساقتاۋدىڭ ءمان-ماڭىزى تۋرالى الەۋمەتتىك جەلىلەر ارقىلى بەلسەندى اقپاراتتىق-ءتۇسىندىرۋ جۇمىستارىن جۇرگىزۋدى تاپسىردى.
ىندەتكە قارسى كۇرەس شتابىنىڭ مالىمەتىنشە, 9 قاراشا كۇنى وبلىستا COVID-19 جۇقتىرعان 63 ادام انىقتالعان. قوستانايدا – 36, رۋدنىيدا – 16, جىتىقارادا 5 ناۋقاس تىركەلدى.
قوستاناي وبلىسى
