وبلىسىمىزدا سوڭعى تاۋلىكتەردە كوروناۆيرۋس ىندەتىنىڭ كوپتەپ تىركەلۋىنە بايلانىستى باس سانيتارلىق دارىگەردىڭ جاڭا قاۋلىسى كۇشىنە ەنەدى. سوعان سايكەس وبلىس ورتالىعىنىڭ پەريمەترى بويىنشا ورناتىلعان سانيتارلىق بەكەتتەردە باقىلاۋ كۇشەيتىلەدى.
– وكىنىشكە قاراي, وبلىسىمىزدا ەپيدەميالىق جاعداي ۋشىعا تۇسۋدە. كوروناۆيرۋستىڭ زەرتحانالىق راستالعان دەرەكتەرى كوبەيۋدە. كوكشەتاۋ, ستەپنوگور قالالارى مەن ءبىرجانسال, بۋراباي اۋداندارى – ناۋقاستاردىڭ تىركەلۋى بويىنشا الدىڭعى قاتاردا. وتكەن اپتادا ءوسىم 1,6 ەسەنى قۇرادى. ال وتكەن ءۇش اپتادا ىندەت جۇقتىرعاندار سانى 3 ەسەگە ءوستى, – دەيدى وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايناگۇل مۋسينا.
وسىدان ءتورت كۇن بۇرىن اقمولا وبلىسى «جاسىل ايماقتا» بولسا, قازىرگى تاڭدا «سارى ايماققا» ەنىپ وتىر. بۇل كارانتين شارالارىن جەدەل تۇردە كۇشەيتۋ قاجەتتىگىن بىلدىرەدى. قاراشانىڭ 7-سىندە كوكشەتاۋ قالاسىنىڭ اۋماعىندا سانيتارلىق بەكەتتەر قويىلىپ, قالاعا كىرىپ-شىققان تۇرعىندار اراسىندا تەرمومەتريا, ساۋالداما جۇرگىزىلگەن بولاتىن.
جاڭا قاۋلىعا سايكەس اۋماعى 500 شارشى مەتردەن اساتىن ازىق-ت ۇلىك ەمەس دۇكەندەردىڭ, ويىن-ساۋىق, ساۋدا ورىندارىنىڭ جۇمىس ۋاقىتتارىنا شەكتەۋ قويىلادى. ولاردىڭ جۇمىس ۋاقىتى – 10.00-دەن 19.00-گە دەيىن, سەنبى كۇنى 10.00-دەن 17.00-گە دەيىن. ەگدە جاستاعى ادامدار اۋرۋعا بەيىم كەلەتىندىكتەن, 65 جاستان اسقان تۇرعىندارعا دالاعا سەبەپسىز شىعۋعا شەكتەۋ قويىلدى. ۇيگە قوناق شاقىرۋعا, توي وتكىزۋگە بۇرىنعىشا رۇقسات ەتىلمەيدى. وكىنىشكە قاراي حالىق ءالى دە تارتىپكە كوندىگە الماي جاتىر. وتكەن دەمالىس كۇندەرى رەيد شارالارى كەزىندە ەپيدەميالىق قىزمەت پەن ءتارتىپ ساقشىلارى «اريستوكرات» مەيرامحاناسى مەن «بال ماحاببات» ءدامحاناسىندا ءوتىپ جاتقان تويدىڭ ۇستىنەن تۇسكەن. اتالعان ويىن-ساۋىق ورىندارىنىڭ يەلەرىنە اكىمشىلىك قۇقىق بۇزۋشىلىق تۋرالى كودەكستىڭ 425-بابى بويىنشا شارا قولدانىلادى.
ەلىمىزدە كوروناۆيرۋستان قايتىس بولعانداردىڭ دەرەگىن سالىستىرساق, وبلىس الدىڭعى قاتاردا. ىندەت باستالعالى 77 اقمولالىق جامان تۇماۋدان كوز جۇمعان.
كوكشەتاۋ
