جوسپارعا سايكەس جىل سوڭىندا ەل يگىلىگىنە بەرىلەدى.شىمكەنت قالاسىندا ماياتاس جانە توعىس تۇرعىن الاپتارىنداعى "بادام" وزەنىنىڭ ۇستىنەن وتەتىن كوپىرلەردىڭ قۇرىلىسى قىزۋ جۇرۋدە. جوسپارعا سايكەس جىل سوڭىندا ەل يگىلىگىنە بەرىلەدى.
ەڭبەكشى اۋدانىنىڭ اكىمى عالىمجان يلياسوۆ اقپاراتتىق-كوممۋنيكاتسيالىق ورتالىقتا وتكەن بريفينگتە اۋدانداعى 10 ايدا اتقارىلعان جۇمىستار جونىندە باياندادى.
- بيىل لەنگەر تاس جولىنداعى "سايرام سۋ" وزەنىنىڭ ۇستىنەن وتەتىن كوپىرگە جانە قاراباستاۋ تۇرعىن الابىنداعى "بادام" وزەنىنىڭ ۇستىندەگى كوپىرگە قايتا قۇرۋ جۇمىستارى جۇرگىزىلىپ, پايدالانۋعا بەرىلدى. ودان بولەك, ەلتاي تۇرعىن الابىنداعى كوپىرگە قايتا قۇرۋ جۇمىستارىن مەردىگەر "جبي-س" جشس-ى جۇرگىزىپ جاتىر. سونداي-اق ءبىر اۆتوجولعا اعىمداعى جوندەۋ جۇمىستارىن جۇرگىزۋ بارىسىندا "تەتس-3" مەكەمەسىنىڭ جانىنداعى سايرام سۋ وزەنىندەگى كوپىرگە "الەم ترانس جول" جشس-ى جوندەۋ جۇمىستارىن جۇرگىزدى, دەدى عالىمجان يلياسوۆ.
سونىمەن قاتار, اۋداندا ماماندار وسى جىلى 10 ايدا 72 اۋلا ارالىق باسپالداقتاردىڭ جاي-كۇيىنە مونيتورينگ جۇرگىزگەن. ولار جوندەۋدەن وتكەن 23 باسپالداقتىڭ جاعدايى قاناعاتتانارلىق ەكەنىن انىقتاپ, توزىعى جەتكەن 8 باسپالداقتى قايتا قۇرۋعا اقاۋ اكتىسى مەن سمەتالىق ەسەپتەر ازىرلەپ, جاڭادان ورناتۋ جۇمىستارىن جۇرگىزگەن. قالعان توزىعى جەتكەن 41 باسپالداقتى قايتا قۇرۋ جۇمىستارى 2021-2023 جىلدارعا جوسپارلاندى.
