بۇل جونىندە ەڭبەكشى اۋدانىنىڭ اكىمى عالىمجان يلياسوۆ اقپاراتتىق-كوممۋنيكاتسيالىق ورتالىقتا وتكەن بريفينگتە اۋداندى ينفراقۇرىلىممەن قامتۋ تۋرالى باياندادى.
اۋدان اكىمىنىڭ سوزىنشە تۇرعىنداردى ساپالى ەلەكترمەن قامتۋ 93%. جۇمىسپەن قامتۋ جول كارتاسى اياسىندا جۇلدىز, جالىن, قاراباستاۋ تۇرعىن الاپتارىن ەلەكتر جۇيەسىمەن قامتۋ جۇمىسىنا باستاپقى قاراجات ءبولىنىپ, مەردىگەر مەكەمە انىقتالعان. قازىردە جۇلدىز تۇرعىن الابىندا قۇرىلىس جۇمىسى باستالىپ, جوبا 2021 جىلعا وتپەلى.
–حالىقتى مەملەكەتتىك جۇيەدەگى تابيعي گازبەن قامتۋ 87,7% بولىپ وتىر. قالعان جەكەمەنشىكتەگى گاز 2023 جىلعا دەيىن تولىق مەملەكەتتىك جۇيەگە وتكىزىلەدى. قازىر بادام تۇرعىن الابىنداعى 331 ابونەنتتى گازبەن قامتاماسىز ەتۋ ءۇشىن قۇرىلىسىنا باستاپقى 50 ملن تەڭگە قارجى ءبولىنىپ, ىشكى ورامعا گاز قۇبىرىن تارتۋ جۇمىستارى جۇرگىزىلىپ جاتىر. نىسان 2021 جىلعا وتپەلى, -دەدى اۋدان اكىمى.
اۋدان اكىمى ءوز بايانداماسىندا تۇرعىنداردى كارىز جۇيەسىمەن قامتۋ جونىندە دە ايتىپ ءوتتى. بيىل ميراس, شاپاعات-2, ۇلاعات شاعىناۋدارىندا كارىز جۇيەسىنىڭ قۇرىلىسى باستالىپ, 2021 جىلى پايدالانۋعا بەرىلەدى. سولتۇستىك-شىعىس شاعىن اۋدانىنا جوبالىق سمەتالىق قۇجات ازىرلەنىپ, كەلەر جىلى قۇرىلىسقا بيۋدجەتتىك ءوتىنىم بەرىلگەن.
