"QAZAQSTAN" رترك" اق باسقارما ءتورايىمى ءلاززات تانىسبايتىڭ ايتۋىنشا, پاندەميا كەزىندەگى تەلەارنالاردا, سونىڭ ىشىندە وتاندىق سالادا دا ايتارلىقتاي وزگەرىستەر كوپ ەكەندىگىن تىلگە تيەك ەتتى.
"قازاقستان" كورپوراتسياسىنىڭ قۇرامىندا بىرنەشە رەسپۋبليكالىق تەلەارنا, راديوستانتسيالار جانە ايماقتىق تەلەارنالار بار. بارلىعىنا توقتالۋ مۇمكىن ەمەس. دەسە دە, كارانتين ەنگىزگەن نەگىزگى وزگەرىستەر جونىندە ايتىپ وتسەم. شىنى كەرەك, مەنەدجەر رەتىندە ءدال وسى ساتتە ەكى ۇلكەن مىندەت-ميسسيانىڭ اراسىندا قالدىق. ءبىرىنشىسى جانە ەڭ باستىسى - قىزمەتكەرلەرىمىزدىڭ قاۋىپسىزدىگىن ساقتاۋ. بىلەسىزدەر, ۇجىم وتە ۇلكەن, سوندىقتان دا الدىمەن مۇمكىن بولعان رەداكتسيالاردىڭ جۇمىسىن قاشىقتىققا اۋىستىرىپ, كەيبىر ءبولىم قىزمەتكەرلەردى اۋىسىمدارعا بولدىك. جۋرناليست, رەجيسسەر, رەداكتورلارىمىز حابارلارىن تۇتاستاي بولماسا دا, ونلايندا جاساۋعا داعدىلاندى", دەدى ءلاززات تانىسباي.
سويتە تۇرا, ءتورايىم مۇنىڭ بارلىق قىزمەتتەرگە قاتىستى ەمەستىگىن باسا ايتتى.
"سەبەبى – الدىمىزدا كورەرمەندى ناقتى, تەكسەرىلگەن اقپاراتپەن قامتاماسىز ەتۋ جانە تەلەەفيردى ساپالى كونتەنتپەن تولتىرۋ مىندەتى تۇردى. كەرىسىنشە, كارانتين كەزىندە دالەلدى, شىنايى, شۇعىل اقپاراتقا دەگەن سۇرانىس كۇشەيدى. سوندىقتان دا ەلدە كارانتين بولعان كەزدە تەلەۆيزيا مىندەتى مەن ونداعى مامانداردىڭ قىزمەتى ەسەلەپ ارتتى. مىسالى, "Qazaqstan" ارناسى ءبىر عانا كوۆيد تاقىرىبىندا 200 روليك جاساپ ەفيرگە بەردى. سول كەزدە قولعا الىنعان كۇنسايىنعى تىكەلەي ەفيردەگى "تەلەدارىگەر" جوباسىنا ءبىر حاباردىڭ ىشىندە ەكى مىڭعا دەيىن سۇراق كەلىپ ءتۇسىپ وتىرعان كۇندەر بولدى. ءدال كارانتين كۇندەرى جاڭالىقتار شىعارىلىمدارى بۇرىن-سوڭدى بولماعان قارالىمداردى كورسەتتى", دەدى ول.
كورپوراتسيا ءتورايىمىنىڭ ايتۋىنشا, قازاقستانداعى جالپى تەلەۆيزيا كورۋ 22 پايىزعا وسكەن. مۇنىڭ ىشىندە كورپوراتسيا ارنالارىنىڭ دا ۇلەسى سالماقتى.
ء"بىر سوزبەن ايتساق, پاندەميا كەزىندە سەنىمدى اقپارات كوزىن ىزدەگەن اۋديتوريا تەلەارنالارعا ورالدى", دەدى ءلاززات تانىسباي.
